| e-texts navigator |
| Wylie |
41b1 དབུགས་ཆེན་པོ་ཡོངས་སུ་ཕྱིན་པའི་ལེའུ་ཞེས་བྱ་སྟེ་བཅུ་གཉིས་པའོ།། །། དེ་ནས་ལང་ཀའི་བདག་པོ་བྱང་ཆུབ་སེམས་དཔའ་སེམས་དཔའ་ཆེན་པོ་དེས་འདི་སྐད་ཅེས་དྲི་བ་ཡོངས་སུ་དྲིས་པ། གསང་བ་པའི
41b2 བདག་པོ་སྐྱེས་བུ་དམ་པ་དེ་དག་དམ་པ་རྣམས་ཀྱི་ཞིང་དུ་ཇི་ལྟར་གྲགས་པ་ལགས་གསང་བ་པའི་བདག་པོས་སྨྲས་པ། ལང་ཀའི་བདག་པོ་སྐྱེས་བུ་དམ་པ་དེ་དག་ནི་དམ་པ་རྣམས་ཀྱི་ཞིང་དུ་གང་ཆོས་ཀྱི་རྒྱལ་པོའི
41b3 རྒྱལ་ཚབ་ཏུ་གྱུར་པའི་ཕྱིར། རྒྱལ་ཚབ་སྐྱེས་བུ་ཞེས་བྱ་བར་ཡོངས་སུ་གྲགས་པར་གྱུར་ཏོ།། དེ་ཅིའི་ཕྱིར་ཞེས་ན། ལང་ཀའི་བདག་པོ་འདི་ལྟ་སྟེ། དཔེར་ན་གང་དྲ་མ་ཆེན་པོ་ཀུན་གྱི་སྤྱིར་བོར་གྱུར་པ་དག་རྒྱལ་པོ་རྒྱལ
41b4 རིགས་ཀྱི་རྒྱུད་དུ་བྱུང་བ་དང་། མཚན་མ་དང་ལྡན་པ་དང་། ཆོས་ཤེས་པ་དང་། འཁོར་དང་ལྡན་པ་དང་དབང་ཐོབ་པ་ལྡན་ན་མང་པོས་བཀུར་བ་ཐོབ་པ་དེ་བཞིན་དུ་སྐྱེས་བུ་དམ་པ་དེ་དག་ཀྱང་རྒྱལ་བ་ཀུན་གྱི་རྒྱུད
41b5 དུ་བྱུང་བ་དང་། མཚན་དང་དཔེ་བྱད་ཀུན་གྱི་རྟགས་དང་ལྡན་པ་དང་། ཆོས་ཤེས་པ་དང་། བསྡུ་བའི་འཁོར་དང་ལྡན་པ་དང་། དབང་བཅུ་ཐོབ་པ་དེ་ཆོས་དེ་དག་དང་ལྡན་པས་ན་དེའི་ཕྱིར་རྒྱལ་ཚབ་སྐྱེས་བུ་ཞེས་བྱ
41b6 བར་གྲགས་སོ།། ལང་ཀའི་བདག་པོ་དེ་ཡང་འདི་ལྟར།། རྒྱལ་རིགས་རྒྱུད་དུ་གང་བྱུང་ན། རྒྱལ་སྲིད་དམངས་ཀྱིས་གང་བསྟབས་པས།། ཚིག་བཙན་ཡུལ་ལ་དབང་སྒྱུར་བའི།། ཀུན་གྱི་སྤྱི་བོར་གྱུར་པ་བཞིན།། རྒྱལ
iiif viewer powered by OpenSeadragon
