| e-texts navigator |
| Wylie |
40b1 ཉིད་ལ་བྱུང་། མ་སྐྱེས་སྐྱེ་བ་མེད། ཡེ་ཇི་བཞིན་པ། རང་བཞིན་ལྷུན་གྱིས་གྲུབ་པ། རྩ་བ་བྱང་ཆུབ་ཀྱི་སེམས་དམ་པ་ཁོ་ན་ཉིད་དུ་ངེས་པར་ཆུད་དེ་སངས་རྒྱས་ཀྱི་དགོངས་པ་ཉམས་སུ་མྱོང་བ་ནི་འདི་ལྟ་སྟེ། སེམས
40b2 དང་སེམས་ལས་བྱུང་བ་ཐམས་ཅད་ནམ་མཁའ་ལྟ་བུར་གྱུར་ཏོ།། མཉམ་པར་བཞག་པ་དང་མ་བཞག་པ་ལས་འདས་ཏེ་ཐ་མའི་དབུགས་ཕྱིན་ནས་ཡང་དག་པའི་ངེས་པ་ཡོངས་སུ་རྙེད་དོ།། རྙེད་པར་གྱུར་ཏོ།། ཀུན
40b3 འདུས་རབ་ཏུ་རྙེད་ནས་ཡང་སྐྱེས་བུ་དམ་པ་དེ་རྣམས་སྨ་ག་ཆད་པར་དུས་སོ།། ཡང་རྡོ་རྗེ་སེམས་དཔའ་དེ་ཁོ་ན་ཉིད་དེས་མཁྱེན་བཞིན་དུ་སྐྱེས་བུ་དམ་པ་དེ་རྣམས་ལ་བཀའ་སྩལ་པ། ཀྱེ་སྐྱེས་བུ་དམ་པ་ཁྱེད་ཅག་ཅིའི
40b4 ཕྱིར་དུ། དེ་དག་གིས་གསོལ་པ། བཤེས་གཉེན་དམ་པ་འདི་ལྟ་སྟེ། ལམ་གྱི་ནང་ན་ཉེ་ལམ་པ། ཐབས་ཀྱི་ནང་ན་དམ་པ་འདི། སྔོན་དུ་མ་ཐོས་སྐལ་བ་ཆུང་། ཨེ་མའོ་ངོ་མཚར་རྨད་ཀྱི་ཆོས།། ཡུན་གྱི་དོན་སྲིད་འདི་ལྟ
40b5 བུ།། དོན་རག་གཞན་ལ་མ་ལུས་པར།། གཞན་ལ་རེ་སྩོལ་ཨེ་མའོ་འཁྲུག། བྱ་བའི་ལས་ལ་ཤ་ཐང་བར།། མཚན་མའི་རྗེས་སུ་གཡེང་སྤྲོས་ཏེ།། ངལ་ཆད་དོན་མེད་ཚིག་མཐའ་ཡས།། བསྡུ་བས་མ་འདུས་དོན་རེ་ཆུང
40b6 བཤེས་གཉེན་དམ་པ་དེ་གཉིས་ལས།། ངེས་པར་རྙེད་པས་དབུགས་ཆེན་འབྱིན།། སངས་རྒྱས་མཉམ་པ་དང་དབྱིངས་སུ་གྲོལ།། དེ་ཉིད་ཆེན་པོར་ལྷུན་གྱིས་གྲུབ།། ཅེས་གསོལ་ཏོ།། ངོ་མཚར་གྱི་དགའ་བ་ཆེན་པོ
iiif viewer powered by OpenSeadragon
