| e-texts navigator |
| Wylie |
395a1 གཡོངས་ཀྱི་གཏེར།། གསང་བ་ཡུམ་དང་གཉིས་མེད་རོལ་པའི་ཆོ་འཕྲུལ་བདག། འདུལ་དབང་འཇིགས་བྱེད་ཞི་ཁྲོ་ཀུན་གྱི་བདག་པོ་མཆོག། ཐམས་ཅད་མཁྱེན་པའི་སྟོན་མཆོག་གཅིག་པུ་ཁྱོད་ལ
395a2 ཕྱག་འཚལ་བསྟོད།། ཨོཾ་བསམ་གྱིས་མི་ཁྱབ་ཆོས་ཀུན་འདུས་པའི་གཙོ།། ལུང་དང་རིགས་པ་གཏན་ཚིགས་ཀུན་གྱི་གནས།། རྒྱུད་ལུང་མན་ངག་ཀུན་གྱི་འབྱུང་གནས་གཙོ།། ཕྱི་རབས་རྣལ་འབྱོར་ཀུན་གྱི་ཡིད་ཆེས
395a3 གཏེར།། གསང་བའི་ཡང་གསང་མཛད་ལ་ཕྱག་འཚལ་བསྟོད།། ཨོཾ་ཕྱོགས་བཅུའི་ཞིང་རྣམས་ཀུན་ནས་འདུས་པའི་གཙོ།། རྒྱལ་བ་སྲས་བཅས་ཡུམ་ཚོགས་སྤྲུལ་པར་བཅས།། ཉིད་ལས་མི་གཞན་འཁོད་དུ་སྐུ་སྤྲུལ་པ།།
395a4 དབྱིངས་ཀྱི་ངང་ལས་མི་འདའ་དམ་ཚིག་ཅན།། ཞི་ཁྲོའི་འཁོར་ཚོགས་རྣམས་ལ་ཕྱག་འཚལ་བསྟོད།། ཧོ། ཨ་ལ་ལ་ཧོ་ཞེས་བརྗོད་པས་ཐམས་ཅད་མཉེས་པར་གྱུར་ཏོ།། དེ་ནས་བཅོམ་ལྡན་འདས་གསང་བ་མཆོག་གི
395a5 བདག་པོས་ཧཱུཾ་ཞེས་བརྗོད་པ་ཙམ་གྱིས། དཀྱིལ་འཁོར་དེ་དག་ཐམས་ཅད་ཐུགས་གསང་བའི་མཛོད་དུ་ཐིམ་པར་གྱུར་ཏེ་མི་སྣང་ངོ་།། གསང་བ་མཆོག་གི་བདག་པོ་ཉིད་ཀྱང་དུས་བཞི་མཉམ་པའི་དབྱིངས་ལས་མི
395a6 གནས་པའི་ཚུལ་གྱིས་རྣམ་པར་གནས་སོ།། འཕགས་པ་རྒྱུད་ཀྱི་རྒྱལ་པོ་ཡེ་ཤེས་རྔམ་པ་གློག་གི་འཁོར་ལོའི་མདོ་ཞེས་བྱ་བ་ལས། གསང་བ་ཕྱི་མ་རྣམ་པར་བཀོད་པའི་ལེའུ་སྟེ་བཅུ་བདུན་པའོ།། །། འཕགས་པ
iiif viewer powered by OpenSeadragon
