| e-texts navigator |
| Wylie |
394b1 དོ།། དེ་ནས་བཅོམ་ལྡན་འདས་གསང་བ་མཆོག་གི་བདག་པོས་སྨྲ་བའི་སེང་གེ་ལ་བཀའ་སྩལ་པ། སྨྲ་བའི་སེང་གེ་ད་ངས་ཆོས་འདི་བསྡུས་ཏེ་བཤད་ཀྱི་ཉོན་ཅིག་གསང་བ་ཆེན་པོའི་རང་བཞིན་ནི།། བསྐྱེད་པ་མེད
394b2 ཅིང་བསྒྲུབ་པ་མེད།། བསྒོམ་པ་མེད་ཅིང་གཟུགས་ཀྱང་མེད།། ཕྱག་རྒྱ་མེད་ཅིང་འཇུག་སྒོའང་མེད།། འདོད་པ་མེད་ཅིང་བསྲུང་བ་མེད།། བརྟུལ་ཞུགས་མེད་ཅིང་བསྲུང་བའང་མེད།། ཡེ་ནས་རྣམ་དག་བརྗོད་མེད
394b3 ཆོས།། སྐྱོན་དང་ཡོན་ཏན་དབྱིངས་སུ་དག། ངོ་བོ་ཉིད་ནི་བརྗོད་དུ་མེད།། དེ་ལ་གསལ་འདྲིས་གོམས་པར་བྱོས།། མེད་པའི་དོན་ལས་ཀུན་འབྱུང་བ།། གསལ་འདྲིས་གོམས་པར་བྱ་བའི་ཕྱིར།། སྨྲ་བའི་སེང་གེ་ཁྱོད
394b4 ཉིད་ཀྱིས།། ཚིག་དོན་མ་ལུས་ཐམས་ཅད་ཀུན།། ཤེས་རབ་བློ་ལ་གསལ་བསྡུས་ནས།། མི་ནུབ་རྒྱལ་མཚན་རྩེ་མོ་ལྟར།། ནན་ཏན་གྱིས་ནི་བརྩོན་འགྲུས་བྱའོ།། ཞེས་གཏད་དོ།། དེ་ནས་སྨྲ་བའི་སེང་གེས་ཨ་ལ་ལ་ཧོ
394b5 ཞེས་པའི་སྒྲ་ཕྱུང་སྟེ། ཡིད་ཀྱི་དཀྱིལ་འཁོར་པདྨོ་ལྟ་བུའི་སྒོ་ཕྱེ་སྟེ་གསང་བའི་དོན་འདི་ཉིད་ཐུགས་རིན་པོ་ཆེ་ལ་གཞག་སྟེ་གསུང་གི་དཀྱིལ་འཁོར་དུ་གནས་སོ།། དེ་ནས་སྨྲ་བའི་སེང་གེས་བཅོམ་ལྡན་འདས་གསང་བ
394b6 མཆོག་གི་བདག་པོ་དང་། གསང་བའི་མདོ་འདི་ཉིད་དང་། འདུས་པའི་འཁོར་ཚོགས་རྣམས་ལ་བསྟོད་པའི་གླུ་འདི་བླངས་སོ།། ཨོཾ་ཕྱོགས་བཅུ་དུས་བཞི་རྒྱལ་བའི་སྐུ་གསུང་ཐུགས།། གསང་བ་མཆོག་གི་དབང་པོ་བྷ
iiif viewer powered by OpenSeadragon
