| e-texts navigator |
| Wylie |
394a1 ཡིད་དང་འཐད་པའི་བླ་མ་ཁྱོད་ལ་ཕྱག་འཚལ་འདུད།། གསང་སྔགས་ཡོན་ཏན་རྒྱ་མཚོ་གྲངས་མང་བསམ་ཡས་ཀྱང་།། གཞུང་དང་འགལ་བྱས་སྣོད་ངན་སྐྱོན་ཉིད་ལྷུང་གནས་མང་པོ་བརྗོད་མི་ལང་།།
394a2 ལེགས་དང་ཉེས་པའི་འབྲས་བུ་རྣམ་སྨིན་དེ་ཉིད་ཀྱིས་རབ་གསུངས་པ།། བདག་ཅག་འཁོར་ཚོགས་དགའ་སྤྲོ་གསང་ཉིད་དོན་ལ་འཇུག་ཅེས་དམ་པར་གྱུར།། ཨ་ལ་ཧོ་ཞེས་བྱ་བའི་གླུ་འདིས་མཉེས་པར་བྱས་སོ།། དེ
394a3 ནས་སྨྲ་བའི་སེང་གེས་ཕྱག་རྣལ་འབྱོར་གྱི་ལུགས་སུ་བྱས་ཏེ། མཆོད་པ་རྒྱས་པ་དེ་ཁོ་ན་ཉིད་ཀྱིས་མཆོད་དེ། གསང་བ་མཆོག་གི་བདག་པོ་ལ་འདི་སྐད་ཅེས་གསོལ་ཏོ།། བཅོམ་ལྡན་འདས་གསང་བ་མཆོ་གི་བདག་པོ།
394a4 གསང་བའི་ཐེག་པ་འདི་བདག་ཅག་འཁོར་དང་བཅས་པ་རྣམས་ལ་བསྒོ་བར་གསོལ། ཅི་ནས་ཀྱང་མ་འོངས་པའི་གང་ཟག་རྣལ་འབྱོར་པ་རྣམས་ལ་ཕན་གདགས་པའི་ཕྱིར་ནན་ཏན་བགྱི་བ་བསྒོ་བར་གསོལ། དེ་ནས
394a5 གསང་བ་མཆོག་གི་བདག་པོས་ཞལ་འཛུམ་པ་མཛད་དེ། སྨིན་རིངས་བསྒྱུར་ནས་བཙུན་མོ་རྔམ་པ་ཀྲོ་དྷའི་རྒྱལ་པོ་ལ་རྣམ་པར་འཇུག་པར་གྱུར་ཏོ།། དེའི་ཚེ་ཆོས་ཐམས་ཅད་གཉིས་སུ་མེད་པའི་བྱང་ཆུབ་ཀྱི་རང
394a6 བཞིན་དུ་གནས་པར་གྱུར་ཏེ། དེའི་ཚེ་བྱང་ཆུབ་སེམས་དཔའ་དེ་དག་སྨྲ་བའི་སེང་གེ་བྱེད་པ་པོ་རྡོ་རྗེ་ཀུན་ཏུ་བཟང་པོས། བཙུན་མོ་བྱ་བ་མོ་ཀུན་ཏུ་བཟང་མོ་དང་གཉིས་སུ་མེད་པའི་དཀྱིལ་འཁོར་ལ་ཐིམ་པར་མཛད
iiif viewer powered by OpenSeadragon
