| e-texts navigator |
| Wylie |
393b1 བརྒྱས་རྨོད་པར་གྱུར་ཏོ།། དེ་བས་ན་དེ་བཞིན་དུ་ཤེས་པར་བྱའོ།། ཡང་སྨྲ་བའི་སེང་གེས་གསོལ་པ། གང་ཟག་ལ་ལ་དག་གིས་ཤེས་རབ་ཀྱི་རྣལ་འབྱོར་ཁོང་དུ་མ་ཆུད་པར། སྒྲ་ཐོས་པ་ཙམ་གྱིས་གཞུང་སྤྱད་ན་ཇི
393b2 ལྟར་བུར་འགྱུར་བ་ལགས། གསང་བ་མཆོག་གི་བདག་པོས་བཀའ་སྩལ་པ། སྒྲ་ཕྱིར་འབྲེང་བའི་རྣལ་འབྱོར་དེ་ནི་ལོང་བའི་འདུ་ཤེས་ཐོབ་པར་འགྱུར་རོ།། དེ་ཡང་ཇི་ལྟར་ཡོངས་སུ་ཤེས་ཞེ་ན། སྔོན་འདས་པའི་དུས
393b3 ང་དྲན་པ་ཐོག་མའི་ཚེ། རྒྱལ་བ་རབ་གསལ་འཛིན་ཞེས་བྱ་བ་མཚན་མའི་རྣལ་འབྱོར་ཅན་དེ་ཤེས་རབ་ཀྱི་ཚིག་མེད་པར་སྤྱི་ཡུད་ཙམ་ལ་ལྟོས་ནས། རྣལ་འབྱོར་ཀྱི་ཚུལ་བཟུང་བས། དེའི་དབང་གིས་ལོག་པའི་ཁམས
393b4 སུ་ལྟུང་བ་དེ་བཞིན་དུ་ཤེས་པར་བྱའོ།། རིགས་ཀྱི་བུ་དེ་པས་ན་ཤིན་ཏུ་གསང་བའི་ཆོས་འདི་ནི་ཤིན་ཏུ་གོལ་ས་ཆེ་བས། མཉམ་པ་ཉིད་ཀྱི་དོན་ལ་གོམས་པའི་སྒོ་ནས་སྤྱོད་ཅིག་ཅེས་གསུངས་སོ།། དེ་ནས་དེའི་ཚེ
393b5 འདུས་པའི་འཁོར་ཚོགས་རྣམས་ངོ་མཚར་བར་གྱུར། རྨད་དུ་གྱུར་ཏེ། རྨད་དུ་བྱུང་བའི་ཆོ་འཕྲུལ་རྣམ་པར་དུ་མ་སྟ་ཅིང་། ཉེས་ལེགས་ཀྱི་ཁྱད་པར་དེ་དག་ལ་རབ་ཏུ་ངོ་མཚར་ནས། མགྲིན་གཅིག་ཏུ་འདི་སྐད་ཅེས
393b6 དམ་པའི་གླུ་འདི་བླངས་སོ།། ཨེ་མའོ་ངོ་མཚར་རྨད་ཀྱི་སྟོན་པ་གསང་མཆོག་ཀུན་ཏུ་བཟང་།། གསང་བ་ཀུན་གྱི་མངའ་བདག་ཡེ་ཤེས་རོལ་པའི་མཛོད།། ཀུན་ནས་ཀུན་གྱི་དབང་བསྐུར་དམ་པའི་བདག་ཁྱོད་བཞུགས།།
iiif viewer powered by OpenSeadragon
