| e-texts navigator |
| Wylie |
392b1 གེས་གསོལ་པ། གང་ཟག་ལ་ལ་དག་ཚིག་ཏུ་མཉམ་ཟེར་ཡང་། བློ་མཉམ་པ་དག་མི་ཉེ་བར་ཆགས་སྡང་ལ་འཆེལ་བ་དག་མཆིས་ན། དེའི་རྣམ་པར་སྨིན་པ་ཇི་ལྟ་བུ་ལགས། གསང་བ་མཆོག་གི་བདག་པོས་བཀའ
392b2 སྩལ་པ། མཉམ་པ་མ་རྟོགས་པར་ཆགས་སྡང་ལ་འཚེད་པ་དེ་ནི་རགྣ་སྲིན་པོའི་རིགས་སུ་འགྱུར་ཏེ། དེ་ཡང་ཇི་ལྟར་ཡོངས་སུ་ཤེས་ཞེ་ན། སྔོན་འདས་པའི་དུས་ང་དྲན་པ་ཐོག་མའི་ཚེ། མཉམ་པ་ཉིད་མ་རྟོགས
392b3 པར་ཆགས་སྡང་ལ་འཆེ་བའི་དགེ་སློང་དེ་སྦྱིན་ཞེས་བྱ་བ་ཚོམ་བུ་སྟོང་དང་བཅས་པ་ཞིག་གིས། གསང་བའི་སྤྱོད་པ་མངོན་དུ་སྤྱོད་པས་ལས་དེའི་རྣམ་པར་སྨིན་པས་རགྣ་སྲིན་པོའི་གནས་སུ་སྐྱེས་སོ།། དེ་བས་ན་དེ
392b4 ལྟར་ཤེས་པར་བྱའོ།། ཡང་སྨྲ་བའི་སེང་གེས་གསོལ་པ། གལ་ཏེ་གང་ཟག་ལ་ལ་དག་རྡོ་རྗེ་འཆང་གི་གྲལ་དུ་ཚོགས་པའི་ཚེ་དོན་ལ་དགའ་བའི་རྣལ་འབྱོར་པ་དག་གིས། ཡང་དག་པའི་དོན་ལ་གླེང་བསླང་བ་དེ་ལ
392b5 འཇིགས་སྐྲག་ཞུམ་སྟེ། མི་དགའ་ཞིང་གུད་དུ་བྱོལ་བའི་རྣམ་པར་སྨིན་པ་ཇི་ལྟ་བུ་ལགས།། གསང་བ་མཆོག་གི་བདག་པོས་བཀའ་སྩལ་པ། ཡང་དག་པའི་དོན་གྱིས་འཇིགས་པའི་ཕྲག་དོག་ཅན་དེ་ནི་འཁོར་བའི
392b6 གནས་སུ་འཁྱམས་ཏེ། ཡགྣ་གནོད་སྦྱིན་གྱི་གནས་སུ་ལྟུང་ངོ་།། དེ་ཡང་ཇི་ལྟར་ཡོངས་སུ་ཤེས་ཞེ་ན། སྔོན་འདས་པའི་དུས་ང་དྲན་པ་ཐོག་མའི་ཚེ། རྣལ་འབྱོར་ལས་དང་པོའི་སར་སློབ་པའི་དགེ་སློང་ལྷ་སྦྱིན་ཞེས་བྱ
iiif viewer powered by OpenSeadragon
