| e-texts navigator |
| Wylie |
392a1 པོས་བསྐལ་སྩལ་པ། སྨྲ་བའི་སེང་གེ་ལྟ་སྤྱོད་ལོག་པས་རྣལ་འབྱོར་དུ་ཁས་འཆེས་པ་དེ་ནི་མུ་སྟེགས་ཆེན་པོའི་རིགས་སུ་སྐྱེ་བར་འགྱུར་རོ།། དེ་ཡང་ཇི་ལྟར་ཡོངས་སུ་ཤེས་ཞེ་ན། སྔོན་འདས་པའི་དུས
392a2 ང་དྲན་པ་ཐོག་མའི་ཚེ་དོན་ལ་མི་མཁས་པའི་དགེ་སློང་བླ་མ་དེ་བ་ཞེས་བྱ་བ་ཞིག་གིས། བདག་ནི་ཡང་དག་པའི་ལས་ལ་མཁས་པའོ་ཞེས་ཀུན་ལ་བསྒྲགས་ནས་ཚོགས་ནི་བསྐྱངས།། སྤྱི་བརྟོལ་དང་ཁྲོ་གཏུམ་གྱིས
392a3 སྡིག་པ་སྤྱད་པའི་རྣམ་པར་སྨིན་པས་མུ་སྟེགས་ཀྱི་སྤྱོད་པའི་ཁམས་སུ་ལྷུང་བར་གྱུར་ཏོ།། དེ་བས་ན་དེ་བཞིན་དུ་ཤེས་པར་བྱའོ།། ཡང་སྨྲ་བའི་སེང་གེས་གསོལ་པ། གལ་ཏེ་གང་ཟག་ལ་ལ་དག་དོན་ལ་ནི་རྨུགས། ཐ
392a4 ཚིག་ནི་ཉམས། དྲེགས་པའི་ང་རྒྱལ་གྱིས་རྡོ་རྗེ་རྒྱལ་པོའི་ས་འཛིན་པར་འདོད་པའི་རྣམ་པར་སྨིན་པ་ཇི་ལྟ་བུར་འགྱུར། གསང་བ་མཆོག་གི་བདག་པོས་བཀའ་སྩལ་པ། ཁྲེལ་མེད་པའི་སྤྱི་བརྟོལ་གྱིས་མུན་སྦྲུལ་དུ་བྱེད
392a5 པ་དེ་ནི་གཏི་མུག་ཕག་གི་ལུས་སུ་སྐྱེས་ཏེ། དེ་ཡང་ཇི་ལྟར་ཡོངས་སུ་ཤེས་ཞེ་ན། སྔོན་འདས་པའི་དུས་ང་དྲན་པ་ཐོག་མའི་ཚེ་རྩ་བའི་དམ་ཚིག་ཉམས་ཤིང་ཡང་དག་པའི་དོན་ལ་རྨུགས་ཤིང་། དྲེགས་པའི་ང་རྒྱལ་གྱིས
392a6 སྔགས་ཀྱི་ཚུལ་དུ་སྤྱོད་པའི་དྲང་སྲོང་པེ་ན་ཡ་ཞེས་བྱ་བ་ཞིག་ཚོམ་བུ་བརྒྱ་དང་བཅས་པར་གནས་སོ།། དེའི་ཚེ་རྣམ་པར་སྨིན་པ་དེས་གཏི་མུག་ཕག་གི་ལུས་སུ་ལྷུང་བ་དེ་བཞིན་དུ་ཤེས་པར་བྱའོ།། ཡང་སྨྲ་བའི་སེང
iiif viewer powered by OpenSeadragon
