| e-texts navigator |
| Wylie |
391a1 སོ་སོར་བཅད་ཅིང་། བླ་མ་གཞན་ལ་ཉོན་མོངས་པའི་སྒོ་འབྱེད་པ་ནི་ངན་སོང་གསུམ་གྱི་ཁ་བརྒྱུད་ཅིང་། ཤོ་གམ་གཅན་ཆེན་གྱི་རིགས་སུ་སྐྱེ་བར་ངེས་སོ།། དེ་ཡང་ཇི་ལྟར་ཡོངས་སུ་ཤེས་པར་འགྱུར
391a2 ཞེ་ན། སྔོན་འདས་པའི་དུས་ང་དྲན་པ་ཐོང་མའི་ཚེ། དགེ་སློང་ཞི་གནས་པ་ཞེས་བྱ་བའི་ཚོམ་བུ་ལྔ་བརྒྱ་དང་བཅས་པ། དོན་དང་མི་ལྡན་པ་ཞིག་ཤིན་ཏུ་གསང་བའི་སྔགས་པ་སྤྱོད་དོ་ཞེས་ཟེར་ནས། དགོན་པའི
391a3 གནས་གཟུང་སྟེ་ཡུལ་ཁམས་ཆེན་པོ་དེ་ན་གནས་པའི་མི་རྣམས་ཀུན་འདུལ་བའི་དབང་དུ་སྤྱོད་དོ།། དེའི་ཚེ་དེའི་དུས་སུ་གཞན་གྱི་སྡེ་པར་གྱུར་པའི་དགེ་སློང་གྲོལ་བའི་བློ་གྲོས་ཞེས་བྱ་བའི་དོན་དང་ལྡན་པ་ཞིག་ཡུལ
391a4 ཁམས་དེ་ཡང་དག་པའི་དོན་ལ་གཟུད་པའི་ཆེད་དུ་འོངས་ནས། གསང་བའི་ཐེག་པའི་དོན་རྒྱ་ཆེར་བསྟན་པ་བསམ་པ་ལས། ཞི་གནས་པ་ཞེས་བྱ་བའི་དགེ་སློང་དེས་ཉོན་མོངས་པའི་བསྒོ་བ་དྲག་པོ་བྱས་ཏེ། འཁོར
391a5 འདི་དག་ནི་བདག་གི་ཞིང་ཁམས་ཡིན་པས་ན། ཁྱོད་འདི་ལ་མ་རྟོག་ཤིག་ཅེས་བསྒོ་རིས་སོ་སོར་བཅད་པས། དེའི་ཚེ་དགེ་སློང་ཞི་གནས་པའི་ཚོམ་བུ་ལྔ་བརྒྱའི་འཁོར་དང་བཅས་པ་ཉོན་མོངས་པ་འཁོར་བའི་ལམ་དུ
391a6 ལྷུལྟུང་སྟེ། ཤོ་གམ་གཅན་ཆེན་གྱི་རིགས་སུ་གྱུར་ཏོ།། དེ་བས་ན་དེ་བཞིན་དུ་ཤེས་པར་བྱའོ།། དེ་ནས་ཡང་སྨྲ་བའི་སེང་གེས་གསོལ་པ། གང་ཟག་ལ་ལ་དག་རྣལ་འབྱོར་པ་ཚོགས་ཀྱི་ཡོ་བྱད་ཀྱི་ཚོགས་སུ་བསྔོས་པ་ལ
iiif viewer powered by OpenSeadragon
