| e-texts navigator |
| Wylie |
390b1 ལགས། གསང་བ་མཆོག་གི་བདག་པོས་བཀའ་སྩལ་པ། སྨྲ་བའི་སེང་གེས་བླ་མའི་དོན་ལ་མཁས་པའི་རྗེས་སུ་བྱུང་བའི་མི་ཤེས་བཞིན་དུ་ཚུལ་འཆོས་ཤིང་།། བླ་མའི་ས་བཟུང་ནས་ཚོགས་སྐྱོང་བ་དེ་ནི་དྲེགས་པའི་རུ
390b2 ཏྲ་ཆེན་པོར་ལྷུང་བར་ངེས་སོ།། དེ་ཡང་ཇི་ལྟར་ཡོངས་སུ་ཤེས་ཞེ་ན། སྔོན་འདས་པའི་དུས་ང་དྲན་པ་ཐོག་མའི་ཚེ། བླ་མ་དོན་ལ་མཁས་པའི་ངག་གི་རྗེས་སུ་འབྱུང་བའི་དགེ་སློང་དྲི་མེད་སྤྱོད་པ་ཞེས་བྱ་བ་ཞིག་རྣལ
390b3 འབྱོར་གྱི་ཚུལ་འདྲ་བ་ཙམ་དུ་སྤྱོད་དེ། དེ་དོན་ལ་མཁས་པའི་བླ་མ་རྣམས་མི་བཞུགས་ནས། བླ་མ་དེ་དག་གི་ཚོམ་བུ་འབུམ་གྱི་འཁོར་རྣམས་ཀྱིས་བདག་ཅག་རྣམས་ཀྱི་བླ་མའི་གདུང་འཚོབ་པར་གསོལ་ཞེས་དཔོན
390b4 བསྟབས་པས། དགེ་སློང་དྲི་མེད་སྤྱོད་པ་ཞེས་བྱ་བ་དེ་ཆེ་བའི་དྲེགས་པ་སྐྱེས་ཏེ། མི་ཤེས་བཞིན་དུ་ཚུལ་འདྲ་བ་ལོག་པར་སྤྱོད་པས། དེའི་ཚེ་དེའི་དུས་ཉིད་དུ་དགེ་སློང་ཚོམ་བུ་འབུམ་གི་འཁོར་དང་བཅས་པ། དྲེགས
390b5 པ་ཆེན་པོའི་དུ་ཏྲར་བསྐལ་པ་ཆེན་པོ་གྲངས་མེད་པར་སྐྱེས་སོ།། དེ་བས་ན་དེ་བཞིན་དུ་ཤེས་པར་བྱའོ།། ཡང་སྨྲ་བའི་སེང་གེས་གསོལ་པ། གང་ཟག་ལ་ལ་དག་བདག་ཉིད་ཀྱི་ཚོགས་སྐྱོངས་པའི་འཁོར་བླ་མ་གཞན་གྱི
390b6 དབང་དུ་འགྱུར་དུ་དོགས་ནས། དགེ་བའི་སྒོ་འགེགས་པ་དག་མཆིས་ན། དེའི་རྣམ་པར་སྨིན་པ་ཇི་ལྟ་བུ་ཞིག་ལགས། གསང་བ་མཆོག་གི་བདག་པོས་བཀའ་སྩལ་པ། སྨྲ་བའི་སེང་གེ་འཁོར་སྒོ་རིགས་དང་རྐྱེན་མཚན
iiif viewer powered by OpenSeadragon
