| e-texts navigator |
| Wylie |
38a1 བར་བཀའ་སྩལ་ན། བློ་གྲོས་ཀུན་དུ་ཆུབ་པར་བགྱིད་པའི་དམ་པ་རྣམས་ཀྱི་དེ་ཁོ་ན་ཉིད། ཅེས་བགྱི་བ་གང་ལགས་བཤད་དུ་གསོལ། བདེ་བར་གཤེགས་པ་བཤད་དུ་གསོལ། ཞེས་གསོལ་བ་ལས།
38a2 སངས་རྒྱས་ཀུན་གྱི་བཅོམ་ལྡན་འདས་གསང་སྔགས་ཀྱི་ངོ་བོ་དེ་ཁོ་ན་ཉིད་དེས་བཀའ་སྩལ་པ། ཀྱེ་སྐྱེས་བུ་དམ་པ་རྣམས་ཀྱི་དེ་ཁོ་ན་ཉིད་འདི་ནི་ཐབས་ཆེ་ལ་སྒོ་ཡངས། ཚེགས་ཆུང་ལ་དོན་ཆེ། ཟག་ཉེ་ལ་བརྟག
38a3 དཀའ། ཉེན་ཆེ་ལ་བསྲུང་དཀའ་བའི་ཕྱིར་ངས་ཁྱེད་ལ་ཕྱིན་ཅི་མ་ལོག་པར་བསྟན་པར་རབ་ཏུ་དཀའོ།། དེ་སྐད་ཅེས་བཀའ་སྩལ་པ་ལས། སྐྱེས་བུ་དམ་པ་དེ་རྣམས་རྨ་ག་ཆད་པར་རབ་ཏུ་ངུས་སོ།། ཤིན་ཏུ་རབ་ཏུ་ངུས
38a4 ནས་གསང་བའི་སྒོ་བྱེ་བར་གྱུར་ཏེ་གསང་སྔགས་ཀྱི་དངོས་པོ་བརྒྱད་དུ་ཡོངས་སུ་ཤེས་པར་གྱུར་ཏོ།། སངས་རྒྱས་ཀུན་གྱི་དགོངས་པ་འདུས་པའི་མདོ་ཆེན་པོ་ལས་རྒྱུད་དག་པའི་སྐྱེ་རྒྱུད་བསྟན་པའི་ལེའུ་བཅུ་གཅིག
38a5 པའོ།། །། དེ་ནས་དེ་བཞིན་གཤེགས་པ་ཐམས་ཅད་ཀྱི་བཅོམ་ལྡན་འདས་དམ་པ་རྣམས་ཀྱི་དེ་ཁོ་ན་ཉིད་རྡོ་རྗེ་སེམས་དཔའ་དེས་སྐྱེས་བུ་དམ་པ་དེ་དག་ལ་འདི་སྐད་ཅེས་བཀའ་སྩལ་ཏོ།། ཀྱེ་སྐྱེས་བུ་དམ་པ
38a6 རྣམས་མ་དུ་ཤིག། སྡུག་བསྔལ་གྱི་གདུང་བ་མ་བསྐྱེད་ཅིག་ཁྱེད་ཅིའི་ཕྱིར་དུ། དེ་ནས་དེ་བཞིན་གཤེགས་པ་ཐམས་ཅད་ཀྱི་བཅོམ་ལྡན་འདས་རྡོ་རྗེ་སེམས་དཔའ་དེ་ཁོ་ན་ཉིད་ལ་སྐྱེས་བུ་དམ་པ་དེ་རྣམས་ཀྱིས་འདི་སྐད
iiif viewer powered by OpenSeadragon
