| e-texts navigator |
| Wylie |
389b1 ལགས། གསང་བ་མཆོག་གི་བདག་པོས་བཀའ་སྩལ་པ། སྨྲ་བའི་སེང་གེ་གསང་བའི་དོན་ཟབ་མོས་ཡིད་ཆེས་པ་མེད་པར་ཚུལ་འཆོས་ཤིང་། གཡོ་སྒྱུར་བདེན་པར་མཆོས་པ་ནི་ངན་འགྲོ་ལོག་པའི་ལམ་དུ་ལྟུང་བར
389b2 ངེས་སོ།། དེ་ཡང་ཇི་ལྟར་ཡོངས་སུ་ཤེས་ཞེ་ན། སྔོན་འདས་པའི་དུས་ང་དྲན་པ་ཐོག་མའི་ཚེ་བསྐལ་པ་ཀུན་ཏུ་བཀོད་པ་ཞེས་བྱ་བ་ལས། སངས་རྒྱས་ཀྱི་ཞིང་མངོན་པར་འབྱུང་བ་ཞེས་བྱ་བ་དེར་སངས་རྒྱས་མངོན
389b3 པར་འབྱུང་བའི་རྒྱལ་པོ་ཞེས་བྱ་བ་དེ། སྐུ་མྱ་ངན་ལས་འདས་པར་གྱུར་པའི་འོག་ཏུ་བཟང་རྒྱན་ཞེས་བྱ་བའི་རྣལ་འབྱོར་དུ་ཁས་འཆེས་པ་ཅིག་བྱུང་བར་གྱུར་ཏེ། དེས་མི་ཤེས་པའི་དབང་གིས་མི་ཤེས་པའི་འཁོར
389b4 རྣམས་ལ་གསང་བའི་ཚུལ་དུ་བཅོས་ནས། ལོག་པའི་ཚོགས་བསྐྱངས་པས་ཚོམ་བུ་ལྔ་བརྒྱ་དང་བཅས་པར་ཡང་དག་པའི་དོན་ལས་གོལ་ཞིང་། ངན་འགྲོ་ལོག་པའི་ལམ་དུ་ལྷུང་བར་གྱུར་པ་དེ་བཞིན་དུ་ཤེས་པར
389b5 བྱའོ།། དེ་ནས་ཡང་སྨྲ་བའི་སེང་གེས་གསོལ་པ། གང་ཟག་ལ་ལ་དག་གསང་བའི་དོན་ཟབ་མོ་རྟོགས་པ་མེད་པར་དགའ་བའི་གཞུང་བོར་ཏེ། གཞན་ངེས་པའི་རྣལ་འབྱོར་རྣམས་སྐུར་བ་འདེབས་པའི་རྣམ་པར་སྨིན
389b6 པ་ནི་ཇི་ལྟ་བུར་འགྱུར་བ་ལགས་གསང་བ་མཆོག་གི་བདག་པོས་བཀའ་སྩལ་པ།། སྨྲ་བའི་སེང་གེ་གང་ཟག་ལ་ལ་དག་རང་ཉིད་གསང་བའི་དོན་ལ་ཡིད་ཅེས་པའི་ངེས་པ་མེད་པར་གཞན་ངེས་པའི་རྣལ་འབྱོར་པ
iiif viewer powered by OpenSeadragon
