| e-texts navigator |
| Wylie |
389a1 དེ་བཞིན་དུ་ཤེས་པར་བྱའོ།། ཡང་སྨྲ་བའི་སེང་གེས་གསོལ་པ། གསང་བའི་མདོ་འདིའི་དོན་རྟོགས་ནས། གཞན་དག་ལ་སྨྲ་བར་བྱེད་པ་དེའི་ཡོན་ཏན་ཇི་ལྟ་བུ་ལགས། ལུང་བསྟན་དུ་གསོལ། གསང
389a2 བ་མཆོག་གི་བདག་པོས་བཀའ་སྩལ་པ། སྨྲ་བའི་སེང་གེ་གསང་བའི་མདོ་འདིའི་དོན་རྟོགས་ནས། གཞན་སྣོད་དང་ལྡན་པའི་འགྲོ་བ་ལ་བསྟན་ཏམ། བཤད་ན་ཆོས་ཀྱི་རྒྱལ་པོ་ཆེན་པོར་འགྱུར་ཏེ་ང་ཉིད་དང་འདྲ་བར
389a3 འགྱུར་རོ།། དེ་ཡང་ཇི་ལྟར་ཡོངས་སུ་ཤེས་ཞེ་ན། སྔོན་འདས་པའི་དུས་ང་དྲན་པ་ཐོག་མའི་ཚེ། རྣལ་འབྱོར་ལ་གནས་པའི་དྲང་སྲོང་ཀ་པ་ཡ་ན་ཞེས་བྱ་བས། དྲང་སྲོང་མང་པོ་རྣམས་ལ་གསང་བའི་དོན་འདི་བཤད
389a4 ཅིང་བཀྲོལ་བ་ལས། དྲང་སྲོང་མང་པོས་རིག་འཛིན་གྱི་ས་ཐོབ། སྟོན་པའི་དྲང་སྲོང་དེ་ཉིད་གསང་བའི་བདག་པོར་གྱུར་ཏོ།། དེ་བཞིན་དུ་ཡོངས་སུ་ཤེས་པར་བྱའོ།། དེ་བས་ན་གསང་སྔགས་ཆེ་བའི་ཡོན་ཏན་གྱི་ཁྱད
389a5 པར་ནི་བསམ་གྱིས་མི་ཁྱབ་པའོ།། དེ་ནས་སྨྲ་བའི་སེང་གེ་བྱེད་པ་པོ་རྡོ་རྗེ་ཀུན་དུ་བཟང་པོས་གསོལ་པ།། བཅོམ་ལྡན་འདས་ཐེ་ཚོམ་ཐམས་ཅད་གཅོད་པའི་རྒྱལ་པོས། གསང་སྔགས་སྤྱད་ཉེས་པའི་སྐྱོན་གྱི་རྣམ་པ་ཞུ
389a6 བར་འཚལ་ན་གནང་བའི་སྐབས་དབྱེ་བར་གསོལ། གསང་བ་མཆོག་གི་བདག་པོས་བཀའ་སྩལ་པ། བཅོམ་ལྡན་འདས་གསང་དོན་ལ་མི་གནས་པར། གསང་སྔགས་ཀྱི་སྤྱོད་པར་ཚུལ་འཆོས་པའི་ཉེས་པ་ཇི་ལྟ་བུ
iiif viewer powered by OpenSeadragon
