| e-texts navigator |
| Wylie |
388a1 པར་འགྱུར་རོ།། དེ་ཡང་ཇི་ལྟར་ཡོངས་སུ་ཤེས་ཞེ་ན། སྔོན་འདས་པའི་དུས་སུ་ང་དྲན་པ་ཐོག་མའི་ཚེ་བྲམ་ཟེའི་བུ་གསལ་སྦྱིན་ཞེས་བྱ་བས་གསང་བ་ཆེན་པོ་འདིའི་བསླབ་པ་མཐར་ཕྱིན་ཏེ། རང་གི
388a2 སེམས་གོམས་པར་བྱས་པས་ཐེག་པ་མཐའ་དག་གི་བསླབ་པ་མཐར་ཕྱིན་ཏེ། དེ་ཉིད་དུ་བར་སྣང་ལས་ལུང་བསྟན་པའི་སྒྲ། རིགས་ཀྱི་བུ་ཁྱོད་དུས་ཕྱི་མའི་ཚེ་ཆོས་ཆོས་ཀྱི་རྒྱལ་པོ་ཆེན་པོར་གྱུར་ནས། ཞིང་ཁམས
388a3 རྣམ་པར་དག་པ་ཞེས་བྱ་བར་སངས་རྒྱས་ནས། སྨྲ་བའི་སེང་གེ་ཞེས་བྱ་བར་གྲགས་པར་འགྱུར་རོ་ཞེས་བྱ་བར་ལུངས་བསྟན་པ་དེ་བཞིན་དུ་ཞེས་པར་བྱའོ།། ཡང་སྨྲ་བའི་སེང་གེས་གསོལ་པ། ཚོགས་ཆེན་པོ་གཅིག
388a4 གི་བསོད་ནམས་ཀྱི་ཁྱད་པར་ཇི་ལྟ་བུ་ལགས། གསང་བ་མཆོག་གི་བདག་པོས་བཀའ་སྩལ་པ། སྨྲས་པའི་སེང་གེ་སོ་སོའི་སྐྱེ་བོའམ། ཉན་ཐོས་སམ་རང་རྒྱས་སམ། ས་ལ་གནས་པའི་བྱང་ཆུབ་སེམས་དཔའ་སངས
388a5 རྒྱས་ཀྱི་ཞིང་ཡོངས་སུ་གང་བ་སྙེད་ལ་སྦྱིན་མཆོད་སངས་རྒྱས་ཀྱི་ཞིང་བྱུར་བུར་གཏམས་པས་བསྐལ་པའམ།། བསྐལ་པ་གྲངས་མེད་པར་བྱིན་པའི་བསོད་ནམས་ཀྱིས་ནི་རྣལ་འབྱོར་གཅིག་ལ་ཚོགས་གཅིག་སྐད་ཅིག
388a6 ཏུ་མཆོད་པར་རྒྱ་ཆེར་བྱས་པའི་བསོད་ནམས་དང་ཡེ་ཤེས་ཀྱི་ཚོགས་འབུམ་གྱི་ཆར་ཡང་མི་ཕོད་དོ།། དེ་ཡང་ཇི་ལྟར་ཡོངས་སུ་ཤེས་ཞེ་ན། སྔོན་འདས་པའི་དུས་ན་ང་དྲན་པ་ཐོག་མའི་ཚེ་ལས་དག་པའི་བྲམ་ཟེའི་བུ
iiif viewer powered by OpenSeadragon
