| e-texts navigator |
| Wylie |
386b1 མ་སྐྱེས་ནས་རྒས་བར་དུ།། འབད་དེ་གསང་བའི་དོན་བཙལ་ཡང་།། གསང་བ་མ་རྙེད་ལས་དེ་ངན།། ད་ཡང་ཇི་ལྟར་བཙལ་ན་རྙེད།། བཙལ་ཡང་རྙེད་པར་མི་འགྱུར་ན།། ཐུགས་རྗེ་བདག་ལ་སྐྱབས་མཛོད་ཅིག།
386b2 ཅེས་སྨྲས་ནས་ནམ་མཁའ་སྟོང་པ་ལས་ཆོ་འཕྲུལ་གྱི་སྒྲ་འདི་སྐད་ཅེས་གྲག་གོ། བྲམ་ཟེའི་བུ་ནི་སྐལ་ལྡན་ཁྱོད།། ཡིད་དམ་བརྟན་པ་ཤིན་ཏུ་ལེགས། ཁྱོད་ནི་དོན་གྱི་སྐལ་པ་ཅན།། ཕྱོགས་བཅུ་དུས་བཞིའི་སངས
386b3 རྒྱས་ཀྱིས།། ཁྱོད་ལ་བྱིན་གྱིས་རློབ་པ་མཛོད།། རང་ཉིད་ལྟ་བ་མ་ཡེངས་པར།། བག་ཆགས་སྦྱངས་པའི་ཐབས་དག་ལ།། མཁས་ཤིང་བརྩོན་པར་བྱ་དགོས་ཏེ།། རང་གི་ཁྲག་རྣམས་གྲངས་ནས་སུ།། དད་ཅིང
386b4 གཙང་བ་ཙནྡན་ཆུར། དམིགས་ནས་རྒྱལ་བ་ཀུན་མཆོད་ན།། མྱུར་དུ་གསང་དོན་རྙེད་པར་འགྱུར། ཞེས་པར་སྣང་ལས་ལུང་བསྟན་པ་ཐོས་ནས་རབ་ཏུ་དགའ་བའི་སེམས་ཀྱིས་ལུས་ཀྱི་རྩ་རྣམས་ཁྲག་དྲངས་ནས
386b5 འཕགས་པ་རྣམས་ལ་མཆོད་པ་དེ་ཉིད་དུ་གསང་བའི་དོན་མཐོང་སྟེ། རིག་འཛིན་རྒྱལ་བའི་སྲས་དམ་པར་གྱུར་པ་དེ་བཞིན་ཤེས་པར་བྱའོ།། དེ་ནས་ཡང་སྨྲ་བའི་སེང་གེས་གསོལ་པ།། བཅོམ་ལྡན་འདས་གསང་བ
386b6 མཆོག་གི་བདག་པོས་གསང་བའི་ཐེག་པ་འདིའི་སྒོར་ཞུགས་ཤིག་ཚོགས་ཀྱི་དཀྱིལ་འཁོར་དམ་པ་མཐོང་བའི་གང་ཟག་དམ་པ་དེའི་འབྲས་བུ་ཇི་ལྟར་ལགས། ལུང་བསྟན་དུ་གསོལ། བདེ་བར་གཤེགས་པས་ལུང
iiif viewer powered by OpenSeadragon
