| e-texts navigator |
| Wylie |
386a1 གསང་བའི་ཐེག་པའི་མཚན་ཐོས་ནས་དེ་བཞིན་དེ་ཡིད་ལ་དྲན་པར་བྱས་སོ།། དེའི་ཚེ་འོད་ལྡན་ཞེས་བྱ་བ་ལྷའི་བུ་དེ་ངན་འགྲོའི་ལམ་དེ་ལས་གྲོལ་ཏེ་གསང་བའི་ཐེག་པ་འཛིན་པའི་གནས་ག་ལ་བ་དེར
386a2 སྐྱེས་སོ།། དེར་སྐྱེས་ནས་ཀྱང་ཚོགས་ཆེན་པོ་ལ་ལ་ལོངས་སྤྱོད་པ་སྐལ་པ་ཅན་དུ་གྱུར་པ་དེ་བཞིན་དུ་ཤེས་པར་བྱའོ།། ཡང་གསོལ་པ། གསང་བ་མཆོག་གི་བདག་པོ་གསང་བའི་ཐེག་པ་འདི་ལ་དགའ་ཞིང་མོས་པ
386a3 དང་།། འདུན་པ་སྐྱེས་པའི་གང་ཟག་དེ་ནི་རྣམ་པར་སྨིན་པའི་ཡོན་ཏན་ཇི་ལྟ་བུར་འགྱུར།། ལུང་བསྟན་དུ་གསོལ།། གསང་བ་མཆོག་གི་བདག་པོས་བཀའ་སྩལ་པ།། གསང་བ་ཐེག་པ་འདི་ལ་དགའ་ཞིང་།། མོས་པ
386a4 དང་འདུན་པ་སྐྱེད་པའི་གང་ཟག་དམ་པ་དེ་ནི་རིག་འཛིན་རྒྱལ་བའི་སྲས་དམ་པར་འགྱུར་བར་གདོན་མི་ཟའོ།། དེ་ཡང་ཇི་ལྟར་ཡོངས་སུ་ཤེས་ཞེ་ན། སྔོན་འདས་པའི་དུས་ང་དྲན་པ་ཐོག་མའི་ཚེ་བྲམ་ཟེ་རྒྱལ་བྱེད
386a5 ཞེས་བྱ་བའི་བུ་བྱམས་ལྡན་ཞེས་བྱ་བ་ཞིག་གསང་བའི་ཐེག་པ་འདི་ལ་དགའ་ཞིང་མོས་ནས་འདུན་པ་སྐྱེས་ཏེ་གསང་བའི་ཐེག་པ་འདི་ཀུན་དུ་བཙལ་བས་རང་གི་སྒྲིབ་པའི་བག་ཆགས་སྟུག་པོས་གེགས་བྱས་ནས།།
386a6 རྙེད་པར་མ་གྱུར་ཏེ་ས་ཕྱོགས་ཤིན་ཏུ་ཡང་དབེན་པ་ཅིག་ཏུ་འདུག་ནས་གསང་བ་ལ་རབ་ཏུ་གདུང་བའི་ཤུགས་ཀྱིས་ངུ་ཞིང་སྨྲེ་སྔགས་ཀྱི་ཚིག་འདི་སྐད་ཅེས་སྨྲས་སོ།། ཀྱེ་མའོ་བདག་གི་ལས་འདི་ཤིན་ཏུ་ཕམ།། ཐོག
iiif viewer powered by OpenSeadragon
