| e-texts navigator |
| Wylie |
384a1 ཉིད་ལ་མོས་ཤིང་དད་པ་དང་རྣ་བའི་དབང་པོས་ཉན་ཅིང་གཡོ་སྒྲ་དང་གསོག་འཇོག་སྤང་བ་དེའི་རྣམ་པར་སྨིན་པའི་ལེགས་པའི་ཡོན་ཏན་ཡང་བརྗོད་ཅིང་ཚད་གཟུང་བར་རབ་ཏུ་དཀའོ།། ལ་ལ་དག
384a2 གིས་སོ་སོ་སྐྱེ་བོ་སངས་རྒྱས་ཀྱི་ཞིང་ཡོངས་སུ་གང་བ་ལ་སྦྱིན་པ་བྱིན་པའམ། སྲོག་གཏོན་པའམ་དགེ་བ་བཅུ་དང་། ཚད་མེད་པ་བཞི་དང་། བསྡུ་བའི་དངོས་པོ་བཞིས་རྒྱུའི་ཐེག་པའི་སྒོ་ནས་འགྲོ་བའི་དོན་བྱས་པ
384a3 བས་ནི་བླ་མ་འཁོར་དང་བཅས་པ་དང་གསང་བའི་ཐེག་པ་འདིའི་སྒོ་ནས་སྐད་ཅིག་ཙམ་འགྲོ་བ་གཅིག་གི་དོན་བྱས་པའི་བསོད་ནམས་ཀྱི་དགེ་བའི་རྩ་བ་འབུམ་གྱི་ཆ་ཡང་མི་ཕོད་དོ།། རིགས་ཀྱི་བུ་ལ་ལ་དག་གིས
384a4 སངས་རྒྱས་ཀྱི་ཞིང་ཡོངས་སུ་གང་བའི་ཉན་ཐོས་སམ། རང་སངས་རྒྱས་སམ། བྱང་ཆུབ་སེམས་དཔའི་ཐེག་པ་དེ་སྙེད་ལ་རིམ་གྲོ་བཀུར་བསྟི་ཚུལ་བཞིན་དུ་བསྐལ་པ་གྲངས་མེད་པའི་ཡུན་དུ་བྱས་པའི་བསོད་ནམས
384a5 ཀྱིས་ནི་གསང་བའི་ཐེག་པ་འདི་ལ་གནས་པའི་གང་ཟག་རྣལ་འབྱོར་པ་གཅིག་ལ་ཐ་ན་དྲོ་གཅིག་གམ། སྐད་ཅིག་ཡུད་ཙམ་དུ་བཀུར་སྟི་ཚུལ་བཞིན་དུ་བྱས་པའི་བསོད་ནམས་ཀྱི་འབུམ་གྱི་ཆར་ཡང་མི་ཕོད་དོ།། །
384a6 ཅིའི་ཕྱིར་ཞེ་ན། དེ་ནི་གསང་བའི་ཐེག་པ་འདི་ཉིད་ལས་ཉན་ཐོས་དང་། རང་སངས་རྒྱས་དང་།། བྱང་ཆུབ་སེམས་དཔའི་ཐེག་པ་རྣམ་འབྱུང་ཞིང་གསང་བའི་ཐེག་པ་ཉིད་ལ་འགྲོ་བ་གཟུད་པའི་ཐབས་སུ་བསྟི་བའི
iiif viewer powered by OpenSeadragon
