| e-texts navigator |
| Wylie |
383b1 ནི་གང་ཟག་འབའ་ཞིག་མ་ལགས་ཏེ།། ས་ལ་བསྙེན་པ་དང་། ས་ཐོབ་པའི་རྣལ་འབྱོར་པ་སྟེ། རིགས་ཀྱི་བུ་ཁྱེད་རྣམས་ཀྱིས་ཀྱང་སྤྱན་དང་གྲོགས་པོ་ལྟ་བུར་ཤེས་པར་བྱའོ།། གང་ཕྱོགས་བཅུ་དུས་བཞིའི་སངས་རྒྱས
383b2 ཇི་སྙེད་པ་རྣམས་ཀྱང་རྣལ་འབྱོར་པ་དེ་ལ་ཉེ་བའི་སྲས་དམ་པར་དགོངས་ཤིང་བྱིན་གྱིས་རློབ་པ་འགྱུར་རོ།། དེ་ཅིའི་ཕྱིར་ཞེ་ན།། གང་ཟག་གསང་བ་འདི་ནི་ཟོས་ཤིང་མོས་པའི་སྐལ་པ་དང་ལྡན་པ་ཡང་བསྐལ་པ
383b3 གྲངས་མེད་པའི་ཕ་མཐའ་ནས་ཚོགས་བསགས་ཤིང་སྦྱངས་པའི་མཐུས་དེ་ལྟར་འགྱུར་བར་རིག་པར་བྱའོ།། དེ་བས་ན་སྨྲ་བའི་སེང་གེ་ཁྱོད་ཉིད་ལ་སོགས་པའི་རྡོ་རྗེ་འཛིན་པ་རྣམས་དང་ཐ་མི་དད་པར་རིག་པར་བྱའོ།།
383b4 དེ་དག་གི་དངོས་གྲུབ་ཀྱང་ཚེ་འདི་ཉིད་ལ་འགྲུབ་ཅིང་གཞན་འཇིག་རྟེན་གྱི་མཐུ་ཆེན་རྣམས་ཀྱང་བཀའ་ཉན་ཅིང་ལས་བྱེད་པར་འགྱུར་རོ།། ཡང་སྨྲ་བའི་སེང་གེས་གསོལ་པ།། བཅོམ་ལྡན་འདས་བླ་མ་རྡོ་རྗེ་སློབ
383b5 དཔོན་ཆེན་པོ་རྣལ་འབྱོར་གྱི་འཁོར་དང་བཅས་པ་རྣམས་གསང་བའི་ཐེག་པ་འདི་ཉིད་ལ་མོས་ཤིང་དད་པའི་སེམས་ཀྱིས་གཡོ་སྒྱུ་དང་།། གསོག་འཇོག་སྤངས་པའི་ཕྱིར་རབས་ཀྱི་དད་པ་ཅན་གྱི་སྐྱེ་བོ་དེའི་རྣམ
383b6 པར་སྨིན་པ་ཅིར་འགྱུར། བདག་ཅག་ལ་སོགས་པ་རྣམས་ཀྱིས་ཇི་ལྟར་བལྟར་བར་བགྱི། བཅོམ་ལྡན་འདས་ཀྱི་བཀའ་སྩལ་པ། རིགས་ཀྱི་བུ་དད་པ་ཅན་གྱི་སྐྱེ་བོ་བླ་མ་འཁོར་དང་བཅས་པ་གསང་བའི་ཐེག་པ་འདི
iiif viewer powered by OpenSeadragon
