| e-texts navigator |
| Wylie |
382a1 དེས་ན་རྣལ་འབྱོར་སྐྱེས་བུ་ཡིས།། མཚན་མེད་ངག་ལ་གནས་བཅས་ནས།། མཚན་མའི་རྣལ་འབྱོར་བསྒོམ་པར་བྱའོ།། མཚན་མ་མེད་དང་མཚན་མ་ཡང་།། ཐ་དད་མེད་པར་ཤེས་པར་བྱ།། དེ་ལྟར
382a2 རིག་པའི་རྣལ་འབྱོར་པ།། དེ་ཉིད་ང་ཡིན་ས་ཐོབ་ཡིན།། སངས་རྒྱས་ཞེས་ཀྱང་དེ་ལ་བྱ།། སངས་རྒྱས་རྣམས་ཀྱང་མཆོད་པ་བྱེད།། བྱང་ཆུབ་སེམས་དཔའ་སྨོས་ཅི་དགོས།། འཇིག་རྟེན་ལྷ་ཀླུ་མཐུ་ཆེན་ཡང་།། དེ་ལ
382a3 མཆོད་ཅིང་བཀུར་སྟི་བྱེད།། ཕྱི་བཞིན་འབྲེང་ཞིང་དགོས་པ་སྐོང་།། ཞེས་གསུངས་པས།། འདུས་པའི་འཁོར་ཚོགས་རྣམས་ཀྱིས་རང་རང་གི་ལུས་ས་ལ་བརྡབས་ནས་ཨ་ལ་ལ་ཞེས་བྱ་བའི་སྒྲ་ཕྱུང་སྟེ་ཤིན་ཏུ་ངོ་མཚར
382a4 ཏོ།། དེ་ནས་སྨྲ་བའི་སེང་གེ་བྱེད་པ་པོ་རྡོ་རྗེ་ཀུན་ཏུ་བཟང་པོས་འདི་སྐད་ཅེས་གསོལ་ཏོ།། བཅོམ་ལྡན་འདས་ཐེ་ཚོམ་ཐམས་ཅད་གཅོད་པའི་བདག་པོ་མཆོག་རྒྱུད་ཀྱི་རྒྱལ་པོ་འདི་ཉིད་ཡེ་ཤེས་རྔམ་པ་གློག་གི་འཁོར
382a5 ལོའི་མདོ་ཆེན་པོ་ཞེས་བྱ་བ་རྒྱུད་ཀྱི་འགྲེལ་པ། རྟགས་ཀྱིས་རོལ་པ། དོན་གྱི་བཀོད་པ་རྡོ་རྗེ་རྣམ་པར་རོལ་པའི་གཞུང་ཆེན་པོ་འདི་ཡི་བླ་མ་རྡོ་རྗེ་སློབ་དཔོན་སྐྱེས་བུ་དམ་པས་མ་ནོར་བར་རྟོགས་ཤིང་གཞན་དང་ལ
382a6 ཡང་མ་ནོར་བར་སྟོན་པ་པ་དེ་བདག་ཅག་རྣམས་ཀྱིས་ཇི་ལྟར་བལྟ་བར་བགྱི།། ཇི་ལྟ་བུའི་རང་བཞིན་དུ་འཚལ་བར་བགྱི། བཅོམ་ལྡན་འདས་ལུང་བསྟན་དུ་གསོལ།། བདེ་བར་གཤེགས་པས་ལུང་བསྟན་དུ་གསོལ།།
iiif viewer powered by OpenSeadragon
