| e-texts navigator |
| Wylie |
381b1 གསུངས།། དེས་ན་རྟོགས་པ་རྣམ་བཞི་ཡིན།། རྣལ་འབྱོར་ས་ལ་བསྙེན་པ་ཡིན།། ཤེས་པ་དང་ནི་འཇུག་པ་དང་།། འབྲས་བུའི་མཚན་ཉིད་ཅེས་བྱས་པས།། ས་ལ་ཉེ་དང་སར་ཆུད་དང་།། ས་ཐོབ་འབྲས་བུ་རྣམ་པ
381b2 གསུམ།། རྒྱུ་འབྲས་ཚུལ་དུ་གནས་པ་ནི།། ནུས་མཐུར་ལྡན་པའི་ཤེས་རབ་ཀྱིས།། རིག་འཛིན་ཞིང་སྟེ་ཤེས་རབ་གསུམ།། ཡུམ་ཡང་མཚན་ཉིད་གསུམ་ཡིན་ཏེ།། ཀུན་ཏུ་བརྟགས་དང་གཞན་དབང་དང་།། ཡོངས་སུ
381b3 གྲུབ་པ་ཞེས་སུ་བརྗོད།། ལོག་པའི་བསམ་པས་མཐོང་བརྟགས་པ།། ཀུན་ཏུ་བརྟགས་ཏེ་ཡོད་པ་མིན།། བདེན་གཉིས་རྒྱུ་དང་འབྲས་བུའི་ཚུལ།། འབྲེལ་བ་གཞན་དབང་ཡིན་པར་གསུངས། བདེན་གཉིས་རྒྱུ་འབྲས
381b4 དབྱེར་མེད་པར།། ཡོངས་སུ་གྲུབ་པར་བདེར་གཤེགས་གསུང་།། ཀུན་བརྟགས་ལོག་པར་ཤེས་པ་ནི།། ཤེས་པའི་མཚན་ཉིད་ཅེས་སུ་བྱ།། གཞན་དབང་ཚུལ་དུ་གོམས་བྱ་བ། འཇུག་པའི་མཚན་ཉིད་ཅེས་སུ་བྱ།།
381b5 ཡོངས་སུ་གྲུབ་ལ་གནས་བཅས་ན།། དེ་ཉིད་འབྲས་བུའི་མཚན་ཉིད་ཡིན།། དེ་བཞིན་ཉིད་དང་ཀུན་དུ་སྣང་།། རྒྱུ་ཡི་ཏིང་འཛིན་རབ་བསྒོམས་པས།། རྫོགས་པའི་བྱང་ཆུབ་ཐོབ་པ་སྟེ།། ཡོངས་སུ་གྲུབ་པའི་བློ་གསལ
381b6 ན།། དེ་བཞིན་ཉིད་དུ་རྣམ་པར་གྲགས།། ཀུན་སྣང་སྙིང་རྗེའི་ངོ་བོ་དང་།། ཡིག་འབྲུ་ཁ་དོག་གསལ་བ་ཡི།། རྒྱུ་ཡི་ཏིང་འཛིན་གསལ་བ་ནི།། བསྐྱེད་པ་གཞན་གྱི་དབང་ཡིན་ཏེ།། དེ་ཉིད་ལོག་རྟོག་ཀུན་བརྟགས་པའོ།།
iiif viewer powered by OpenSeadragon
