| e-texts navigator |
| Wylie |
380b1 པ་དཀའ་བའི་ཕྱིར།། བསྟན་པར་ཡང་ནི་མི་བྱ་བས།། གསང་བ་ཞེས་སུ་རྒྱལ་བས་གསུངས།། དེ་ཉིད་སྦས་པས་སྦས་པའི་དོན།། སྦས་པ་རྣམ་པ་གསུམ་ཡིན་ཏེ།། ཕྱི་ཡི་སྦས་པ་གསང་བ་དང་།། དེ་བཞིན་ནང་གི་སྦས
380b2 པ་དང་།། གཉིས་ཀར་མ་ངེས་སྦས་པ་སྟེ།། རྨད་འབྱུང་སྔགས་ཀྱི་སྤྱོད་པ་སྟེ།། ཕྱི་རོལ་སྡེ་པས་མཐོང་ཐོས་ན།། དེ་ལ་བཟོད་པ་ཐོབ་མིན་པས།། དེ་ནི་སྦས་པ་ཕྱི་ཞེས་བྱ།། ལྷུན་གྲུབ་བདེ་ཆེན་ཟབ་མོ་དེ།། མིང་གི་རྣལ
380b3 འབྱོར་ཕལ་དག་གིས།། རྟོགས་ཤིང་ཁོང་དུ་ཆུད་པར་དཀའ།། དེ་ནི་ནང་གི་སྦས་པ་ཡིན།། ཕྱི་ནང་གཉིས་སུ་ཐ་དད་མིན།། བདེན་པ་གཉིས་སུ་དབྱེར་མེད་པ།། རྒྱལ་བ་སངས་རྒྱས་སྤྱོད་ཡུལ་དེ།། མ་ངེས་སྦས་པར
380b4 རྒྱལ་བས་གསུངས།། སྦས་པའི་དོན་རྣམས་གསལ་འབྱིན་པ།། བླ་མ་རྡོ་རྗེའི་ཐུགས་ལ་གནས།། དེས་ན་སྦས་ཞེས་ངེས་པར་གསུངས།། ཐབས་དང་ཤེས་རབ་ཞེས་བྱ་བ།། གཉིས་སུ་མེད་པའི་བྱང་ཆུབ་སེམས།། དེ
380b5 ཉིད་ཐིག་ལེ་རྣམ་གསུམ་སྟེ།། ཐབས་མཆོག་ཡབ་ཀྱི་མཁའ་ཉིད་དང་།། ཤེས་རབ་ཡུམ་གྱི་ཀློང་ཉིད་དང་།། གཉིས་མེད་བདེ་ཆེན་དང་ཉིད་དུ།། ཆོས་ཀུན་འདུས་ཤིང་གཅིག་པ་དང་།། སྤྲོས་མེད་ཐིག་ལེར་གནས་པའི
380b6 ཕྱིར།། ཐིག་ལེ་ཞེས་སུ་རྒྱལ་བས་གསུངས།། མཉམ་པ་ཉིད་ཀྱང་རྣམ་གསུམ་སྟེ།། དོན་དམ་དབྱིངས་སུ་མཉམ་པ་དང་།། ཀུན་རྫོབ་སྒྱུ་མར་མཉམ་པ་དང་།། དབྱེར་མེད་གཅིག་པར་མཉམ་པ་སྟེ།། མ་སྐྱེས་མ་གྲུབ
iiif viewer powered by OpenSeadragon
