| e-texts navigator |
| Wylie |
380a1 དྲངས་ཤིག་པའོ།། ཁ་ཁ་ཁཱ་ཧི་ཟོ་ཤིག་པའོ།། ཨ་པའི་ཞེས་པ་ཡང་ནས་ཡང་།། ད་ར་ད་ར་བྱིན་ཅིག་པའོ།། རུ་ཏ་མ་ཏ་རོལ་ཞེས་པའོ།། ཧུ་ལུ་ཧུ་ལུ་ཞུགས་ཤིག་པའོ།། ཨ་ར་ར་ར་བསྐུལ་ཅིག་པའོ།། དེ
380a2 ལ་སོགས་ཏེ་བསམ་ཡས་མཆོག། ཞེས་གསུངས་སོ།། དེ་ནས་ཡང་སྨྲ་བའི་སེང་གེའི་བྱེད་པ་པོ་རྡོ་རྗེ་ཀུན་ཏུ་བཟང་པོས་གསོལ་པ།། ཨེ་མའོ་གསང་ཆེན་བདེ་བ་ཆེ།། མི་འགྱུར་ནམ་མཁའ་དངོས་པོ་མེད།། ལྷུན་གྲུབ
380a3 བདེ་ཆེན་རྣམ་པར་དག། ངག་མཆོག་ལྷ་ལ་ཕྱག་འཚལ་བསྟོད།། གསང་བ་ཞེས་བགྱི་རྣམ་པ་དུ།། སྦས་པ་ཞེས་བགྱི་རྣམ་པ་དུ།། ཐིག་ལེ་ཞེས་བགྱི་ཇི་ལྟར་གནས།། མཉམ་ཉིད་ཞེས་པ་རྣམ་པ་དུ།། དག་པ་ཞེས་པ
380a4 རྣམ་པ་དུ།། རྟོགས་པ་རྣམ་པ་དུ་རུ་བཞེད།། མཚན་ཉིད་གསུམ་ཞེས་ཇི་ལྟ་བུ།། ཏིང་འཛིན་གསུམ་པོ་ཇི་ལྟ་ལགས།། བདག་ཅག་རྣམས་ལ་སྨན་སླད་དུ།། བདེ་བར་གཤེགས་པས་བཤད་དུ་གསོལ།། ཞེས་གསོལ་བ
380a5 བཏབ་པས།། གསང་བ་མཆོག་གི་བདག་པོས་ཐུགས་སུ་ཆུད་དེ་བཀའ་སྩལ་པ། གསང་བ་ཞེས་པ་རྣམ་པ་བཞི།། རང་བཞིན་དོན་གྱི་གསང་བ་དང་།། གབ་པ་སྦས་པའི་གསང་བ་དང་།། བསྟན་མེད་རྫས་ཀྱི་གསང་བ
380a6 དང་།། སྣོད་མེད་བཀའ་ཡི་གསང་བ་དང་།། ཆོས་ཉིད་རང་བཞིན་གསང་བ་དང་།། ཐུགས་ཀྱི་ཀློང་ནས་བསྙུངས་པ་དང་།། དམན་ལ་མི་བསྟན་རྫས་རྣམ་དང་། གསང་སྔགས་ཐེག་ཆེན་ཟབ་མོའི་དོན།། རབ་ཏུ་ཤེས
iiif viewer powered by OpenSeadragon
