| e-texts navigator |
| Wylie |
37a1 ཟིལ་གྱིས་གནོན་པའི་ལྷས་མཐོང་བར་གྱུར་རོ།། དེས་ན་རྩལ་ཆེན་རྫོགས་པའི་རྣལ་འབྱོར་དུ་སྣང་བ་ཉིད་ལ་ཀུན་ཏུ་སྣང་གི་ཏིང་ངེ་འཛིན་ཐོབ་སྟེ། དེས་ཉི་ཟླའི་འཁོར་ལོ་བསྐོར་བས་ཐམས་ཅད་འོད
37a2 ཀྱིས་གསལ་བར་བྱེད་པའི་ལྟས་མཐོང་བར་གྱུར་ཏོ།། ལང་ཀའི་བདག་པོ་དེ་ལྟར་གྱུར་དུ་ཟིན་ཀྱང་གསང་སྔགས་ཀྱི་ངོ་བོ་དེ་ཁོ་ན་ཉིད་ཀྱི་ངེས་པ་རྙེད་པ་ནི་མ་ཡིན་ནོ།། དེ་ཅིའི་ཕྱིར་ཞེ་ན། ལང་ཀའི་བདག་པོ་གང
37a3 ལས་དང་པོ་པའི་རིགས་ཀྱི་བུ་དེ་དག་རྒྱལ་ཚབ་སྐྱེས་བུར་གྱུར་པ་ན་སྐྱེས་བུ་དམ་པ་རྡོ་རྗེ་སེམས་དཔའ་དང་། སྐྱེས་བུ་དམ་པ་རྡོ་རྗེ་རིན་ཆེན་དང་། སྐྱེས་བུ་དམ་པ་རྡོ་རྗེ་ཆོས་དང་། སྐྱེས་བུ་དམ་པ་ལས་ཀྱི་རྡོ་རྗེ་དང་།
37a4 སྐྱེས་བུ་དམ་པ་རྡོ་རྗེ་དབྱིངས་ཞེས་བྱ་བར་ཞིང་ཁམས་ཐམས་ཅད་དུ་གྲགས་སོ།། དེ་ལ་ལ་ལར་ནི། རྒྱལ་ཚབ་སྐྱེས་བུ་ཞེས་བྱ་བར་བརྗོད་ཅིང་དེ་ལྟར་གྲགས་སོ།། ལ་ལར་ནི་སྲིད་པ་ཐ་མ་པ་ཞེས་བྱ་བར་བརྗོད་ཅིང
37a5 གྲགས་སོ།། ལ་ལར་ནི་ས་ཆེན་པོའི་སངས་རྒྱས་ཞེས་བྱ་བར་བརྗོད་ཅིང་གྲགས་ཀྱང་། སངས་རྒྱས་ཀྱི་དགོངས་པ་གསང་བ་དམ་པ་དེ་དུང་ཉམས་སུ་མ་མྱོང་སྟེ་མཉམ་པ་ལ་འཇོག་དགོས་པའི་ཕྱིར་རོ།། དེ་ཅིའི་ཕྱིར
37a6 ཞེ་ན། སྐྱེས་བུ་དམ་པ་དེ་དག་གིས་ནམ་མཉམ་པ་ལ་མ་བཞག་གི་བར་དུ་སངས་རྒྱས་ཀྱི་དགོངས་པ་ཉམས་སུ་མ་མྱོང་ནས་ཡང་དག་པའི་རྟོགས་པས་དང་པོའི་སངས་རྒྱས་རྡོ་རྗེ་སེམས་དཔའ་ལ་གསོལ་པ། བཅོམ
iiif viewer powered by OpenSeadragon
