| e-texts navigator |
| Wylie |
379b1 མོར་འཐོར།། དེ་ནས་ལྕེ་ལ་རེག་པ་ནི།། འཛའ་གད་བྲིས་པའི་བརྡ་ཡིན་ནོ།། དེ་ལ་སོགས་ཏེ་བསམ་མི་ཁྱབ།། ངག་བརྡ་དམ་ཚིག་ཕྱག་རྒྱ་ཡང་། ཨ་ཏི་པུ་ཞེས་བྱ་བ་ནི།། ཕྱག་འཚལ་ཞེས་པའི་བརྡ་ཡིན་ནོ།། པྲ་ཏི་པུ
379b2 ཞེས་བྱ་བ་ནི།། ཕྱག་ལན་འཚལ་བའི་བརྡ་ཡིན་ནོ།། རི་མོ་ཞེས་བྱ་གཟུགས་ཀྱི་བརྡ།། གླུ་ནི་སྒྲ་ཡི་བརྡ་རུ་བཤད།། ཚིམ་བྱེད་ཡི་བརྡ་ཡིན་ནོ།། ར་ས་ཨ་ན་རོ་ཡི་བརྡ།། བདེ་བ་ཞེས་བྱ་རེག་པ་ཡིན།། དགའ་བ་ཞེས
379b3 པར་རབ་ཏུ་རིག། སྦྱོར་བ་ཞེས་པ་ཆོས་སུ་བཤད། མེ་ཏོག་ཞེས་བྱ་ཁྲག་ཡིན་ནོ།། བདུག་པ་ཞེས་པ་མདངས་ཀྱི་བརྡ།། མར་མེ་ཞེས་པ་ཤ་ཆེན་ལའོ།། དཔའ་བོ་ཞེས་པ་ཆང་དུ་བཤད།། སྤོས་ཞེས་ཐལ་ཆེན་དག་ལའོ།།
379b4 འདོད་ཆགས་སྲ་བ་ཚྭ་ཡིན་ཏེ།། ཁུ་བ་གཡོན་ཅན་སྐྱུར་པོ་ཡིན།། བྲན་མོ་ཚོད་མའི་བརྡ་ཡིན་ནོ།། ཆུར་བ་ཞོ་ལ་ཟླ་རྒྱས་ཏེ།། སྨན་གྱི་མཆོག་ནི་ཤ་ཡི་བརྡ།། ཟན་ནི་ཚེ་ཞེས་བྱ་བའི་བརྡ།། ཨརྨ་མི་ཞེས་བྱ་བའི་བརྡ།།
379b5 རྒུན་འབྲུམ་ཞེས་པ་རྟ་ཡི་བརྡ།། གླང་པོ་པ་ན་སེ་ཞེས་བྱ།། ན་ལི་ཀི་རི་ཁྱི་ཡི་བརྡ།། ཨ་རུ་ག་ནི་བ་ལང་ངོ་།། ཏི་ཞེས་མཁའ་འགྲོའི་བརྡར་བསྟན་ཏོ།། ཨ་རལ་ཞེས་པ་མཁའ་འགྲོ་མ།། དར་དིར་སིལ་སྙན་སྒྲ་དུ་བཤད།།
379b6 ཛ་ཞེས་བྱ་བ་འདྲེན་པའི་བརྡ།། ཧཱུཾ་ནི་སྡུད་པའི་བརྡ་ཡིན་ནོ།། བཾ་ནི་སྡོམ་པ་ཡིན་པར་བཤད།། ཧོ་ནི་ཞུགས་ནས་དཔང་དུ་འགྱུར།། ཨེ་ཧི་ཞེས་པ་ཚུར་སྤྱོན་བརྡ།། ཡ་ཧི་ཕར་བཞུད་ཞེས་པའོ།། ཏི་སྟ་ཧ་ནི
iiif viewer powered by OpenSeadragon
