| e-texts navigator |
| Wylie |
379a1 བརླ་གཉིས་མུག་པའི་བརྡ་དང་ཀྱང་།། གཡས་པ་ཆོས་ལ་སྦྱོར་བའི་བརྡ།། གཡོན་པ་འདོད་ཆགས་རྩོམ་པའི་བརྡ།། པུས་མོའི་ལྷ་ངའི་བརྡ་དག་ཀྱང་།། གཡོན་པ་རབ་ཏུ་འདུད་པ་ཡིན།། ཡང་ན་བཅིང
379a2 བ་ཡིན་པར་བཤད།། གཡས་པས་རབ་ཏུ་དགྲོལ་བ་ཡིན།། རྐང་པས་གནོན་པའི་བརྡ་དག་ཀྱང་།། གཡོན་པས་ཐམས་ཅད་གནོན་པར་བྱེད།། གཡས་པས་འཇོམས་པར་བྱེད་པ་ཡིན།། མཛུབ་མོ་བསྒྲེང་བའི་བརྡ་ཚུལ
379a3 གྱིས།། ཁྲོ་བོའི་བརྡ་རུ་བཤད་པ་ཡིན།། དབང་པོ་གྱེན་དུ་བསྒྲེང་བ་ནི། དེ་ཚེ་མཛའ་བར་འདོད་པའི་བརྡ།། ཆུང་ངུའི་རྩེ་མོ་བསྒྲེང་བ་ནི།། དེ་ཚེ་སྦྱོར་བར་འདོད་པའི་བརྡ།། སྔོན་པོ་མངོན་པར་སྟོན་པ་ནི།། བཀྲེས
379a4 ཞེས་བྱ་བའི་བརྡ་ཡིན་ནོ།། གང་ཚེ་ཤིན་ཏུ་མཐོར་སྟོན་ན།། མངོན་པའི་ང་རྒྱལ་བསྐྱེད་པའི་བརྡ། ཁྲོ་མོ་ལྕགས་ཀྱུར་དྲངས་བྱས་ན།། དེ་ཚེ་ཚུར་ཤོག་བརྡ་ཡིན་ནོ།། དེ་ཉིད་ཟློག་པ་ཁྱེད་ཅིག་པའོ།། ལག་གཉི་གར
379a5 ཐབས་བསྐོར་ནས་ཀྱང་།། སེ་གོར་དྲག་རྡོབས་འདྲེན་པའི་བརྡ།། བསྐོར་ནས་སྦྱར་བ་ཕྱག་རྒྱའི་བརྡ།། བསྐོར་ནས་ཐལ་མོ་སྤྱིར་པོ་གཞག། འདི་ནི་མཆོད་པའི་བརྡ་ཡིན་ནོ།། བསྐོར་ནས་སྙིང་གར་གཞག་པ་ནི།།
379a6 བསམ་གཏན་རྩེ་གཅིག་བརྡ་ཡིན་ནོ།། བསྐོར་ནས་གཉིས་ཀྱིས་སྟོན་པ་ནི།། མཆོད་པ་སྟོབས་པའི་བརྡ་ཡིན་ནོ།། དབང་མོ་ལྕེ་ལ་རིག་པ་ནི།། ཚོགས་མཆོད་དུས་ལ་བབ་པའི་བརྡའོ།། གར་ཐབས་བསྐོར་ནས་དབང
iiif viewer powered by OpenSeadragon
