| e-texts navigator |
| Wylie |
378b1 བརྡ།། གཡས་པ་སྐྱེས་པ་མཛེས་པ་ཡིན།། གཡོན་པ་བུད་མེད་བཟང་མོར་བཤད།། རྣ་བ་དག་ལ་རེག་པའི་བརྡ།། གཡོན་པ་ལེགས་པའི་གླུ་སྙན་བརྡ།། གཡས་པ་ཚིག་སྙན་སྨྲ་བའི་བརྡ།། སྣ་ཕུག་གཉིས་ལ་རེག་པ
378b2 ནི།། གཡས་པ་བདུག་པ་འདོད་པ་སྟེ།། གཡོན་པ་དྲི་དགེ་སློང་བའི་བརྡ།། ལྕེས་ནི་ལྡག་པར་བྱེད་པའི་བརྡ།། གཡས་སུ་ལྡན་པར་ཤ་འདོད་པའོ།། གཡོན་དུ་ཆང་འདོད་བརྡ་རུ་བཤད།། མཆེ་བས་མ་མཆུ་མནན་པ
378b3 ནི།། གཡོན་པ་བུད་མེད་རེག་བྱ་འདོད།། གཡས་པ་སྐྱེས་པ་དེ་བཞིན་ནོ།། ལྐོག་མར་རེག་པ་གསང་བ་ཡི།། ཐེག་མཆོག་གསང་བ་སྨྲ་བའི་བརྡ། སྐེ་ལ་རེག་པར་བྱེད་པ་ནི།། བདག་ཉིད་དབྱངས་སྙན་ལེན་པའི་བརྡ།།
378b4 སྙིང་གའི་དཀྱིལ་དུ་རེག་པ་ནི།། དོན་རྟོགས་པ་ཡི་བརྡ་རུ་བཤད།། རིག་ནས་ཕྱིར་ལས་འགྱེད་པ་ནི།། སྤྲོས་པའི་བརྡ་རུ་ཤེས་པར་བྱ།། སླར་ཡང་སྙིང་གར་གཏུགས་པ་ནི།། སླར་ཡང་བསྡུ་བའི་བརྡ་ཡིན་ནོ།། ལྟེ་བའི
378b5 དཀྱིལ་དུ་རེག་པ་ནི།། དབུ་མ་ནན་ཏན་སྤྱོད་པ་ཡིན།། དབང་པོ་རབ་དུ་གསལ་བྱས་ན།། ཏིང་འཛིན་སྒྲིམ་ཞེས་བྱ་བ་ཡིན།། ཕྲག་པ་གཉིས་ནི་སྟོན་པའི་བརྡ།། གཡས་པ་འགུགས་པའི་བརྡ་ཡིན་ནོ།། གཡོན་པ་སླར
378b6 གཏོད་པ་ཡི་བརྡ།། དཔུང་པ་གཉིས་ལ་ཉུག་པའི་བརྡ།། གཡས་པ་དྲེགས་པ་འདུལ་བའི་བརྡ།། གཡོན་པ་ལོངས་སྤྱོད་གྲུབ་པའི་བརྡ།། ཁུ་ཚུར་གཡས་བཅངས་དབང་དུ་སྡུད།། གཡོན་པ་བཅངས་ན་ཐོང་ཞིག་པའོ།།
iiif viewer powered by OpenSeadragon
