| e-texts navigator |
| Wylie |
378a1 པ་དག་ཏུ་འགྱུར།། ཉམས་དང་རྨི་ལམ་དག་ཏུ་ཡང་།། དབང་མཆོག་ཇི་ལྟར་བསྐུར་བ་བཞིན།། དེ་དག་ནུས་པའི་རྣམ་པར་འབྱུང་།། དེ་དག་དབང་བསྐུར་ཐོབ་པའི་རྟགས།། ཞེས་གསུངས་སོ།། དེ་ནས
378a2 ཡང་སྨྲ་བའི་སེང་གེ་བྱེད་པ་པོ་རྡོ་རྗེ་ཀུན་ཏུ་བཟང་པོས་འདི་སྐད་ཅེས་གསོལ་བ་བཏབ་བོ།། ཡེ་ཤེས་རྣལ་འབྱོར་ཅན་རྣམས་ཀྱིས། གསང་བ་སྦས་པའི་ཐབས་ཚུལ་དུ།། སྦས་པས་གྲུབ་པའང་མྱུར་བ་དང་།། གསང
378a3 བའི་དམ་ལ་གནས་བྱ་དང་།། བརྡ་ལ་དགའ་བའི་མི་རྣམས་ཀུན།། ཉེ་ཞིང་གདུང་བར་བྱ་བའི་ཕྱིར།། ལུས་དང་ངག་གི་བརྡ་རྣམས་ཀུན།། གསང་བའི་བདག་པོས་བཤད་དུ་གསོལ།། ཞེས་གསོལ་བ་བཏབ་པ་དང་།།
378a4 གསང་བའི་དབང་པོས་བཀའ་སྩལ་པ།། གསང་བ་སྦས་པའི་ཐབས་ཚུལ་དུ།། བརྡ་ཡི་དམ་ཚིག་བཤད་པར་བྱ།། འདུས་པའི་འཁོར་རྣམས་ལེགས་པར་ཉོན།། ལུས་བརྡ་དམ་ཚིག་ཕྱག་རྒྱ་ནི།། ལག་པ་གཡས་པས་བྱ
378a5 བ་ཀུན།། རྣལ་འབྱོར་པ་ཡིས་བྱ་བའི་བརྡ།། གཡོན་པས་བྱ་བ་མ་ཡིན་བརྡ།། སྤྱི་བོར་ཉུག་པའི་ལག་བརྡ་ནི།། ཕྱག་འཚལ་བ་ཡི་བརྡ་ཡི་རྒྱ།། དཔྲལ་བར་རེག་པ་ཕྱག་ལན་ཡིན།། ལག་པ་གཡས་པ་བརྐྱང་བྱས་ཏེ།།
378a6 མགོ་བོ་བཏུད་པར་བྱས་པ་ནི། ཁམས་བདེའམ་ཞེས་འདྲི་བའི་བརྡ།། ལག་པ་གཡོན་པ་བརྐྱང་ནས་ནི།། གཡོན་དུ་འདུད་པ་བདེ་བའི་ལན།། མིག་གཉིས་དག་ལ་རེག་པ་ན།། གཟུགས་མཛེས་སྟོན་ཅིག་ཅེས་པའི
iiif viewer powered by OpenSeadragon
