| e-texts navigator |
| Wylie |
375b1 ཡིན།། རྔམ་པ་ཞེས་པ་དྲག་ཤུལ་སྤྱོད།། མྱུར་ཞིང་བར་ཆད་མེད་པས་ན།། གློག་གི་ཕྲེང་བ་ཞེས་སུ་བྱ།། སྐོར་དང་གཅོད་དང་རྒྱུན་མི་གཅད།། འཁོར་ལོ་ལྟ་བུའི་རྣམ་པ་དེར།། གསང་བ་ཀུན་འདུས་མདོ་བྱའོ།། ཞེས
375b2 གསུངས་སོ།། དེ་ནས་སྨྲ་བའི་སེང་གེ་བྱེད་པ་རྡོ་རྗེ་ཀུན་དུ་བཟང་པོས་གསོལ་པ།། རྒྱུད་ཅེས་བགྱི་བ་ཇི་ལྟ་བུ།། མདོ་འདི་འབྲེལ་པ་ཇི་ལྟར་ལགས།། དེ་བཞིན་དགོས་དང་ཡང་དགོས་ཅི།། བརྗོད་པ་ཇི་ལྟར་ཤེས་པར
375b3 བགྱི།། བཅོམ་ལྡན་གསང་བ་མཆོག་གི་བདག་པོས་བཀའ་སྩལ་པ།། འབྲེལ་དང་མ་ཚང་མེད་པ་དང་།། ཕུན་སུམ་ཚོགས་ཕྱིར་རྒྱུད་ཅེས་བྱ།། འདི་དོན་རིག་པའི་སྐྱེས་བུ་ཡིས།། གསང་བ་ཀུན་དོན་ཤེས་པའི་ཕྱིར།།
375b4 ཕྱོགས་བཅུ་ཀུན་ཏུ་རབ་གྲགས་པའི།། རྒྱུད་ཀུན་དང་ནི་འབྲེལ་བར་བཤད།། གསང་བའི་སྒོར་ཞུགས་རྣལ་འབྱོར་པ།། བྱང་ཆུབ་སེམས་དང་དཀྱིལ་འཁོར་དང་།། ཕྱག་རྒྱ་བསྙེན་དང་དངོས་གྲུབ་དང་།། སྡོམ་དང
375b5 བརྟུལ་ཞུགས་མ་རུངས་མཉེས།། ལས་དང་ནན་ཏུར་བྱ་བའི་རྣམས།། མཆོག་གི་དགོས་པས་དགོས་པ་ཡིན།། བདེན་གཉིས་རྟོགས་ནས་བདག་གཞན་དོན།། གྲུབ་པ་ཡང་དགོས་ཡིན་པར་བཤད།། དགོས་པའི
375b6 དོན་ཡང་རྗོད་བྱེད་པའི།། དོན་བསྡུས་མདོ་འདི་བརྗོད་པ་ཡིན།། དེ་བས་རྣམ་པ་བཞི་པོ་ཡིས།། བདེ་བླག་ཏུ་ནི་རྟོགས་པ་འགྱུར།། ཞེས་གསུངས་སོ།། ཡང་སྨྲ་བའི་སེང་གེས་གསོལ་པ།། དབང་མཆོག་དམ་པ་མ་ཐོབ
iiif viewer powered by OpenSeadragon
