| e-texts navigator |
| Wylie |
375a1 བར་མཛད་པའོ།། དེ་ནས་སྨྲ་བའི་སེང་གེ་བྱེད་པ་པོ་རྡོ་རྗེ་ཀུན་དུ་བཟང་པོས་མཆོད་པ་རྒྱས་པ་དེ་ཁོ་ན་ཉིད་ཀྱིས་མངོན་པར་མཆོད་དེ་ཕྱག་འཚལ་ནས་གསོལ་པ་བཏབ་པ།། ཨེ་མའོ་གསང་མཆོག་དག
375a2 པའི་བདག། ཡེ་ཤེས་ཤེས་བགྱི་ཇི་ལྟར་ལགས།། རྔམ་པ་ཞེས་ནི་གང་ལ་བགྱི།། གློག་ཕྲེང་ཞེས་པ་ཇི་ལྟར་ལགས།། འཁོར་ལོ་ཞེས་པ་ཇི་ལྟ་བུ།། མདོ་ཡི་དོན་ནི་ཇི་ལྟར་ལགས།། བཅོམ་ལྡན་འདས་ཀྱིས་བཤད་དུ
375a3 གསོལ།། ཞེས་གསོལ་པ་བཏབ་པ། གསང་བ་མཆོག་གི་བདག་པོས་གསོལ་བ་བཏབ་པ་ཐུགས་སུ་ཆུད་ནས་ཡེ་ཤེས་སྙིང་པོ་ཅན་རྣམས་ཉོན་ཅིག། ཡེ་ཤེས་ཡེ་ཤེས་ཞེས་བྱ་བ།། ཤེས་དང་ཤེས་བྱ་ཐ་དད་མིན།། རིག
375a4 པའི་ངོ་བོ་རྣམ་པ་ལྔ།། སྟོང་ཉིད་སྙིང་རྗེ་དབྱེར་མེད་པས།། བྱང་ཆུབ་སེམས་སུ་རྒྱལ་བས་གསུངས།། དྲེགས་པ་འདུལ་ཞིང་ནན་ཟུར་གྱིས།། ཐོགས་ཆགས་མེད་པའི་བརྟུལ་ཞུགས་པས།། སྔགས་སྤྱོད་རྔམ་པའི་ཁྱད
375a5 པར་དེ།། རྔམ་པས་རྔམ་པའི་མཚན་ཉིད་ཡིན།། གློག་ནི་མྱུར་དུ་འཇུག་པའི་ཕྱིར།། འཇུག་པའི་ཡན་ལག་བཞི་དག་དང་།། སྡོམ་དང་ལས་བཞིའི་ཁྱད་པར་གྱིས།། དངོས་གྲུབ་ལས་ལ་མུར་འཇུགས་པའོ།། རང་བཞིན
375a6 ཏིང་འཛིན་གཟུགས་བརྙན་དང་།། ཕྱག་རྒྱ་དངོས་གྲུབ་འབྲེལ་བཅས་ནི།། འཁོར་ལོ་ཞེས་སུ་རྒྱལ་བས་གསུངས།། དེ་བས་མིང་ནི་དོན་མཐུན་གྲགས།། རིག་ཅིང་གསལ་བའི་ངོ་བོ་པས།། ཡེ་ཤེས་ཞེས་སུ་བརྗོད་པ
iiif viewer powered by OpenSeadragon
