| e-texts navigator |
| Wylie |
373b1 བཞི་མདོར་དེ་བཞིན་བྱ།། དེས་ནི་རབ་དུ་མནན་པར་འགྱུར།། གལ་ཏེ་བཅིང་བར་འདོད་པ་ན།། དགུག་པ་དེ་ཉིད་སྦྱར་བྱས་ཏེ།། མཚན་མ་མིང་དུ་བཅས་པ་དེ།། ཚོན་སྐུད་སྣ་ལྔས་མགོ་ལུས་དཀྲི།། རྡོ་རྗེ་སྒྲོག་གིས
373b2 བཅིངས་བསམས་ནས།། ཐོད་པ་མ་ཉམས་ནང་དུ་གཞུག། ལམ་གྱི་བཞི་མདོ་འམ་དུར་ཁྲོད་དུ།། སྦས་ན་ངེས་པར་བཅིངས་པར་འགྱུར།། གཞན་ཡང་གསད་པའི་བརྟུལ་ཞུགས་ནི།། ཁྲག་དང་དྲི་ཆུ་བཤང་གཅི་ཡིས།།
373b3 གཤེར་བར་བྱས་པའི་གོས་གྱོན་ཏེ།། ཁྲོ་བོའི་རྒྱལ་པོར་སྦྱར་བྱས་ནས།། རྐང་པས་གཟུགས་བརྣན་མནན་ནས་ནི།། ཁྲོས་པས་གསང་སྔགས་བརྒྱ་རྩ་བརྒྱད།། རྫོགས་པར་བཟླས་ན་ངེས་པ་འཆི།། ཐལ་བའི་སྐྱེ་མ
373b4 སྤངས་པའམ།། སྐྲ་བཤིག་གཅེར་བུར་ཕུད་པའང་རུང་།། དེ་ལྟ་བུ་ཡི་སྦྱོར་བ་ཡིས།། སངས་རྒྱས་དག་ཀྱང་འཆི་འགྱུར་ན།། ཁམས་གསུམ་སྐྱེ་བོ་སྨོས་ཅི་དགོས།། ཞེས་གསུངས་པས་འདུས་པའི་འཁོར་ཚོགས་ཐམས
373b5 ཅད་འཇིགས་སྐྲག་སྟེ།། རང་རང་གི་སྟན་ལས་ལངས་ནས་ལུས་ས་ལ་བརྡབས་པའི་ཕྱག་རྣལ་འབྱོར་གྱི་ལུགས་སུ་བྱས་ཏེ། ཆོ་འཕྲུལ་རྣམ་པ་དུ་མ་བསྟན་ནས་ངོ་མཚར་རྨད་དུ་བྱུང་བའི་རྡོ་རྗེའི་ཚིག་གིས་བསྟོད་པ།།
373b6 ཨེ་མའོ་ངོ་མཚར་ཡ་མཚན་གྱི།། ཆོ་འཕྲུལ་ཀུན་གྱི་འབྱུང་གནས་གཙོ།། ངོ་མཚར་ཀུན་གྱི་བདག་པོ་མཆོག། རྡོ་རྗེ་རྒྱལ་ལ་ཕྱག་འཚལ་འདུད།། བྱང་ཆུབ་སེམས་དཔའི་དཀྱིལ་འཁོར་དང་།། ཕྱག་རྒྱ་བསྙེན་བསྒྲུབ
iiif viewer powered by OpenSeadragon
