| e-texts navigator |
| Wylie |
373a1 རལ་གྲིས་རྒྱུ་མ་གཏུབས་པ་དང་། ཕྲ་དོག་འུག་པ་བྱ་རྒོད་ཀྱིས།། ཟ་ཞིང་འཐོག་པར་རྣམ་བསམས་ནས།། དེ་ཡི་མིང་ནས་བསྐུལ་བྱས་ན།། དེ་ནི་མྱུར་དུ་སྤྱོད་པར་འགྱུར།། རྡོ་རྗེ་མི་འཆི་ལས་ཀྱིས་སྦྱར།།
373a2 ཡང་ན་རྐང་རྗེས་ས་དང་ནི།། ཤིང་ལོ་རླུང་གིས་གཙུབས་པ་ལ།། མཚན་མ་མིང་དུ་བཅས་པར་བྱ།། མིང་ནས་དྲག་ཏུ་བསྐུལ་བྱ་ཞིང་།། རྡོ་རྗེ་འབར་བའི་ཁྲོ་བོ་ཡིས།། གཤིན་རྗེའི་དྲུང་དུ་ཁྲིད་པ་དང་།། བགེགས་ཀྱི
373a3 དྲུང་དུ་མནན་བྱས་ན།། དེས་ཀྱང་བསྐྲད་པའི་ལས་སུ་འགྱུར།། ཡང་ན་དགྲ་ཡི་སྒོ་ག་རུ།། ཐོད་པ་མ་གས་མ་ཆག་པར།། རྡོ་རྗེ་སྔགས་ཀྱི་ཚིག་བྲིས་ཏེ། རྡོ་རྗེ་མི་འཆི་རྣམ་པར་བསྒོམ།། དགྲ་ཡི་སྒོར་རུ་བཞག་ན་ནི།།
373a4 བསྐྲད་པར་འགྱུར་བ་གདོན་མི་ཟ།། གལ་ཏེ་དབྱེ་བའི་ལས་བྱས་ན། ཁྲོ་བོའི་སྔགས་དང་མིང་སྤེལ་ཏེ།། འུག་པའི་སྒྲོ་ལ་བྲིས་ནས་ནི། བྲམ་ཟེའམ་དགེ་སྦྱོང་སྒྲས་དཀྲིས་ཏེ།། ལམ་གྱི་བཞི་མདོར་བརྐོས་ཏེ་གཞུག། དེ
373a5 ལ་རྡོ་རྗེ་ཁྲོ་བོ་གཉིས།། འཐབ་ཅིང་རྩོད་པ་རྣམ་བསམས་ན།། བསད་དེ་དབྱེ་བར་གདོན་མི་ཟ།། གལ་ཏེ་མནན་པའི་ལས་བྱས་ན།། དགུག་པ་དེ་ཉིད་སྦྱར་བྱས་ཏེ།། མངོན་སུམ་ཁུགས་པར་གྱུར་པ་དང་།། དེ་སྟེང
373a6 དབང་ཆེན་རིམ་པར་བསྐྱེད།། རི་རབ་སྟེང་དུ་བསྒོམ་པ་ནི།། ལས་ཀྱི་ལྷ་སྟེ་དོན་ཡོད་འགྲུབ།། རྡོ་རྗེ་རྒྱ་གྲམ་བརྗིད་ལྡན་པས།། བསྐལ་པ་ཡུན་དུ་གནོན་པར་བསམ།། གཟུགས་བརྙན་ཐོད་པ་གང་བར་གཞུག་ལམ་གྱི
iiif viewer powered by OpenSeadragon
