| e-texts navigator |
| Wylie |
372a1 བ་ཡི།། གཟུགས་ལ་སྙིང་གར་གྲོག་གའམ། ཤིང་ཤུན་ལེགས་པ་གླན་ནས་ནི།། ར་ཁྱི་ཁྲག་གིས་མིང་བྲིས་ཏེ།། ཧཱུཾ་དང་ཕཊ་ཀྱི་བར་དུ་གཞུག། དྲག་པོ་དཀྱིལ་འཁོར་གྲུ་གསུམ་དུ།། མགོ་ནི་ལྷོ་ནུབ
372a2 མཚམས་སུ་བསྟན།། གང་ན་གནས་པ་དེ་ཉིད་ལས།། དེ་ཡི་རྣམ་པར་ཤེས་པ་ནི།། ཐོགས་མེད་རླུང་དང་འདྲ་བ་སྟེ།། ལྕགས་ཀྱུ་ཡིས་ནི་སྙིང་དྲངས་ཏེ།། ཡཾ་ལས་རླུང་གིས་བཏེག་ནས་ནི།། བདག་གི་དྲུང་དུ་ཕྱིན་པ
372a3 དང་།། གཟུགས་བརྙན་ནང་དུ་དེ་བཅུག་པ།། སྲིན་བུ་མེ་ཁྱེར་འདྲ་བར་གསལ།། ལྕགས་ཀྱུ་ཞགས་པའི་ཕྱག་རྒྱས་དམ་དུ་གཞུག། ལྕགས་སྒྲོག་ཕྱག་རྒྱས་སྒྲོག་དུ་གཞུག། དྲིལ་བུའི་ཕྱག་རྒྱས་བརྟན་པར་བྱ།། གུ་གུལ
372a4 ནག་པོའི་དུད་པས་བདུག། ཡུངས་ཀར་རྒྱལ་པོའི་མཚོན་གྱིས་བརྡེག། རྡོ་རྗེ་མིག་གི་བལྟར་མངོན་པར།། ཉམས་པ་དེ་ཉིད་གནོན་པར་ནི།། ཉིན་མཚན་ཀུན་ལ་དྲངས་ཏེ་བསམ།། ཡང་ན་སུཾ་བྷའང་ལྷག་པར་འཇེབས།།
372a5 དེ་ནི་དགུག་པའི་མཆོག་ཏུ་གསུངས།། གལ་ཏེ་གསད་པའི་ལས་བྱ་ན།། དགུག་པ་དེ་ཉིད་སྦྱར་བྱས་ཏེ།། དུག་ཤིང་སྙིང་པོ་ཚེར་མ་ཡིས། ཁུགས་པའི་གཟུགས་དེ་དབུག་པར་བྱ།། དྲག་པོར་གྱུར་པའི་ཕུར་བ་ཡིས།།
372a6 དཔྲལ་བ་སྙིང་མགྲིན་པུས་མོ་གཉིས།། གནས་ལྔ་དག་དུ་བཏབ་པར་བསྒོམ།། རྡོ་རྗེ་རྩེ་མོའི་སྔགས་ཀྱིས་གདབ།། རྡོ་རྗེ་རྩེ་གཅིག་ཕྱག་རྒྱ་དང་།། བེ་ཅོན་རྡོ་རྗེ་གནོད་སྤྲིན་དང་།། རྡོ་རྗེ་བརྗིད་པས་ཕུར་པ་གནོན།།
iiif viewer powered by OpenSeadragon
