| e-texts navigator |
| Wylie |
371b1 ཕྱི་བཞིན་འབྲེང་བ་དང་།། མྱོས་ནས་གས་ཏེ་འཚིག་པ་ནི།། ལས་བཞིའི་འབྲས་བུར་རྒྱལ་བས་གསུངས།། འཕགས་པ་རྒྱུད་ཀྱི་རྒྱལ་པོ་ཡེ་ཤེས་རྔམ་པ་གློག་གི་འཁོར་ལོའི་མདོ་ཞེས་བྱ་བ་ལས་ལས་ཀྱི་རིམ་པར་ཕྱེ
371b2 བའི་ལེའུ་སྟེ་བཅོ་ལྔ་པའོ།། །། དེ་ནས་བཅོམ་ལྡན་འདས་གསང་བ་མཆོག་གི་བདག་པོ་དེས་སྐྱེ་འགྲོ་ཐམས་ཅད་འདུལ་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། ཞུགས་ནས་ཀྱང་བརྣག་པའི་ནན
371b3 ཏུར་འདི་དག་གསུངས་སོ།། རྡོ་རྗེ་སློབ་དཔོན་སྨོད་པ་དང་།། སངས་རྒྱས་བསྟན་པ་འཇིག་པ་དང་།། ལུ་གུ་རྒྱུད་ལས་འགལ་བྱེད་དང་།། རྡོ་རྗེ་སྤུན་ལ་འཁུ་བྱེད་པ།། རྣལ་འབྱོར་སྤྱི་ཡི་དགྲར་གྱུར་དང་།། སྐྱེ་བོ་ཡོངས
371b4 ལ་གནོད་པ་དང་།། མ་ཆགས་པ་ཡི་སེམས་ཅན་ལ།། བརྣག་པའི་ནན་ཏུར་བྱ་བར་གསུངས།། དགུག་དང་གསད་དང་བསྐམ་པ་དང་།། དབྱེ་དང་བསྐྲད་དང་མནན་པ་དང་།། བཅིང་བའི་ལས་དང་བདུན་དག་གིས།།
371b5 གྲུབ་པར་འགྱུར་ཞེས་རབ་ཏུ་གསུངས།། དགུག་པའི་ལས་དག་བྱ་བ་ཡང་།། བདག་ཉིད་རྣལ་འབྱོར་ལྡན་བྱས་ཏེ།། རྐང་རྗེས་ཉིད་ཀྱིས་བླངས་ལ།། མི་རུས་བསྲེགས་པའི་ཐལ་བ་དང་།། དུར་ཁྲོད་རོ་ཡི་རས་དག
371b6 དང་།། རྒྱ་མཚོར་འབབ་པའི་ཆུ་བོ་ཡི།། འགྲམ་ཉིད་ནས་ནི་བླངས་པའི་ས།། རླུང་གིས་འཁྱེར་བའི་ཤིང་ལོ་དང་།། གྲོག་མཁར་ས་རྣམས་བཏགས་ནས་སུ།། ལུང་བོང་གཅིན་གྱིས་སྨྲ་བར་བྱ།། དེ་ནས་ཡན་ལག་ཚང
iiif viewer powered by OpenSeadragon
