| e-texts navigator |
| Wylie |
371a1 ཧཱ་ཧཱུཾ་ཕཊ་ཀྱིས།། བརྒྱན་པའི་མགོ་ལ་མོཾ་བཞག་པ།། བཟླས་པའི་སྔགས་སུ་ཤེས་པར་བྱ།། ཧོམ་ཁུང་ཟླུམ་པོ་གྲུ་བཞི་དང་།། བླ་གམ་གྲུ་གསུམ་གདེངས་པ་རུ།། རྡོ་རྗེ་རིན་ཆེན་མདའ་གཞུ་དང་།། རྡོ་རྗེ
371a2 རྩེ་དགུའི་ཕྱག་རྒྱ་གཞག། ཞོ་ཅན་སེར་སྐུར་རྩུབ་པ་ཡི།། ཡམ་ཤིང་དག་ལ་མེ་སྦར་ཏེ།། ལྷན་ནེ་གཟི་བྱིན་ལྷུན་ཆེན་དང་།། གཏུམ་ཆེན་རྔམ་པའི་ལྷ་ཚོགས་ལ།། ལས་བཞིའི་ཚུལ་དུ་བསྲེགས་ན་འགྲུབ།། སྔགས་དང
371a3 འདོད་པའི་མིང་སྤེལ་ཏེ།། བསྐུལ་པ་བྱ་བའི་ཚིག་ཏུ་བཤད།། རས་སམ་བྲོ་ག་ཤིང་ཤུན་ལ།། ཞི་རྒྱས་འཁོར་ལོའི་སྔགས་བཅས་བྲི།། ལྕགས་གསུམ་ག་བུར་གཙུག་ནས་ནི།། མཆོད་ཅིང་བསྐུལ་ན་གདོན་མི་ཟ།། ཞིང
371a4 ཆེན་རས་སམ་སྨད་དཀྲིས་ལ།། དབང་དྲག་འཁོར་ལོའི་སྔགས་བཅས་བྲི།། ཁམ་ཕོར་ནང་ངམ་ཐོད་པར་གཞུག། དུར་ཁྲོད་གནས་ལ་སོགས་པ་རུ།། བསྐུལ་ཞིང་མནན་པ་བྱས་ན་ནི།། གདོན་མི་ཟ་བར་མནན་པར
371a5 འགྱུར།། ལས་བཞིའི་མེ་ལྷའི་མཚན་ཉིད་ནི། མེ་ཡི་ལྷ་ནི་སྣང་མཐའ་ཡས།། མེ་ཡི་ལྷ་མོ་གོས་དཀར་མོ།། ཟབས་དང་ཤེས་རབ་འབྲེལ་བས་ནི།། གང་འདོད་ལས་དེ་བྱེད་པར་འགྱུར།། གདུག་རྩུབ་རྣམས་ལ་ཞི་བ
371a6 སྦྱར།། དབུལ་ཕོངས་རྣམས་ལ་རྒྱས་པར་སྦྱར།། དབང་ནི་འདོད་གཟིར་རྣམས་ལ་སྟེ།། ཞེ་སྡང་ཅན་ལ་དྲག་པོའི་ལས།། ཐམས་ཅད་ཞི་བར་འགྱུར་བ་དང་།། ཡིད་བཞིན་ནམ་མཁའ་འགེངས་པ་དང་།། དགུག་ཅིང
iiif viewer powered by OpenSeadragon
