| e-texts navigator |
| Wylie |
370b1 བྱམས་སྙིང་རྗེ་དང་བ་དང་།། དགའ་ཆགས་བཏང་སྙོམས་ཁྲོས་པ་ཡི།། ཏིང་འཛིན་དག་གིས་ཞི་དང་རྒྱས།། དབང་དྲག་སོ་སོའི་འཕྲོ་འདུ་བྱ།། བྱང་དུ་བལྟས་ཏེ་ཞི་བ་བྱ།། རྒྱས་པའི་ཚེ་ན་ཤར་དུ་བལྟ།། དབང་ལ་ནུབ
370b2 ཏུ་དྲག་པོ་ལྷོ།། ཞི་བ་ཀུ་ཤའི་ཁྲི་སྟེངས་སུ།། རྫོགས་པའི་སྐྱིལ་མོ་ཀྲུང་དུ་གནས།། པདྨའི་སྟེང་དུ་སེམས་དཔའ་ཡི།། སྐྱིལ་མོ་ཀྲུང་གིས་རྒྱས་པར་བྱ། ཁྲི་སྟེང་དག་དུ་ཕྱེད་སྐྱིལ་གྱིས།། དབང་དུ་བསྡུ་བའི་ལས་བྱའོ།།
370b3 ས་གཞི་གྲུ་གསུམ་ཉིད་ལ་ནི།། རུས་སྦལ་གྱི་ནི་རྒྱས་བཏབ་ཀྱིས།། མངོན་པར་སྤྱོད་པ་བསྐྱོན་པར་བྱ།། ཟླུམ་པོ་གྲུ་བཞི་ཟླ་གམ་དང་།། ཟུར་གསུམ་ཐོ་བའི་གཏུན་ཚོགས་ཀྱིས།། ལས་བཞི་ཡུམ་གྱི་གཏུན་ཁུང་དུ།།
370b4 གཏི་མུག་ང་རྒྱལ་འདོད་ཆགས་དང་།། ཞེ་སྡང་མཚན་མ་རྡུལ་དུ་བརྡུང་།། གསེར་དངུལ་ཟངས་དང་ལྕགས་དག་གམ།། ཞོ་ཅན་སེར་སྐྱུར་རྩུབ་ཤིང་ལ།། རི་རབ་ཞུལ་དུ་རབ་བརྗིད་པའི།། ཕུར་པ་ལས་རྣམས་སོ་སོ
370b5 ཡི།། ལྷ་ཡི་དཀྱིལ་འཁོར་བསྒོམ་པ་ལ། རྩེ་མོ་ཡཾ་བཾ་ཨེ་ཡི་དབྱིབས།། མཚན་མ་མིང་དུ་བཅས་པ་ལ།། བཏབ་ན་ཞི་རྒྱས་དབང་དྲག་འགྱུར།། དངུལ་ཕྱེ་འབྲས་ཆེན་དཀར་པོ་ལ།། ཞི་བར་འགྱུར་བའི་གཏོར་མ་སྦྱར།།
370b6 གསེར་ཕྱེ་འབྲུ་ཆེ་སེར་པོ་ལ།། རྒྱས་པར་འགྱུར་བའི་གཏོར་མ་སྦྱར།། དབང་ལ་ཟངས་ཕྱེ་འབྲུ་དམར་ཆན།། དྲག་པོའི་ལྕགས་ཕྱེ་ཤ་ཁྲག་ལའོ།། ཤན་ཏིང་པུབྷིང་བ་ཤང་དང་།། མཱ་ར་ཡ་ཡི་སྔགས་ཚིག་ལ།། སྭཱ་ཧཱ་སཱ
iiif viewer powered by OpenSeadragon
