| e-texts navigator |
| Wylie |
36a1 བཅུ་ནས་བསོན་ནམས་སྟེར་བར་གྱུར་ཏོ།། དེའི་སངས་རྒྱས་ལྔ་ཁྲི་ལྔ་སྟོང་ལ་ཐེ་ཚོམ་བཅད་ཀྱང་མ་རྙེད་དོ།། ཡང་དབུགས་ཆེན་ཕྱིན་པའི་སྐབས་སུ་སེམས་གཅིག་རྫོགས་ཏེ། མཐའ་བཅུ་ཆུབ་ནས
36a2 འཇིགས་པ་ལྔ་ལས་འདས་ཏེ་བརྟེན་ནས་ཁྱད་པར་འགྲོ་བའི་ས་པར་གནས་སོ།། དེའི་ཚེ་སངས་རྒྱས་དྲུག་ཁྲི་དྲུག་སྟོང་ལ་ཐེ་ཚོམ་བཅད་པས་ཕྱོགས་ཙམ་ཤེས་ཏེ་དབུགས་ཕྱིན་པར་གྱུར་ཏོ།། དེ་ཡང་འདི་ལྟ་སྒྱུ་མ་སྦྱོང
36a3 བའི་སྐྱེས་བུ་དེ།། འཁོར་ལོས་སྒྱུར་བའི་ཆ་བྱད་དེ།། རིན་ཆེན་བདུན་དང་དཔུང་ཚོགས་ཀྱིས།། དབང་སྒྱུར་ཐབས་ཀྱི་ཐེག་པ་སྟོན།། ཡང་ལུང་ཆེན་ཐོབ་པའི་སྐབས་སུ་སེམས་བདུན་རྫོགས་ཏེ་ལྷན་ཅིག་གནས་པའི་དྲི
36a4 མ་དག་པས་རི་བོ་ལས་རྒལ་ཏེ་དམིགས་པས་འབྲས་བུ་སྐྱེ་བུས་པར་གནས་སོ།། དེའི་ཚེ་སངས་རྒྱས་བདུན་ཁྲི་བདུན་སྟོང་ལས་ལུང་ཟོས་པས་རྟོག་ཆེན་ལ་གནས་སོ།། དེ་ལ་ཡང་ལྟ་སྟེ། དེའི་ཚེ་སྐྱེས་བུ་དམ་པ་དེ།།
36a5 འབྲས་བུ་ཉིད་ལ་ལམ་ཞེས་པས། ལམ་གྱི་ཡན་ལག་བདེ་རྫོགས་ཏེ།། གནས་དག་སྨིན་པར་བྱ་བའི་ཕྱིར།། ཇི་ལྟར་འདོད་ལྟར་ཐབས་མཆོག་སྦྱོར།། ཡང་རྩ་ཆེན་རྫོགས་པའི་སྐྱབས་སུ་སེམས་གསུམ་བསྐྱེད་ཅིང
36a6 མཐའ་དྲུག་ཆུབ་ནས་གནས་པར་མི་འགྱུར་བའི་ས་པར་གནས་སོ།། དེའི་ཚེ་སངས་རྒྱས་བརྒྱད་ཁྲི་བརྒྱད་སྟོང་ལས་ལུང་བསྟན་པ་ཐོབ་ནས་གདེང་དུ་གྱུར་ཏོ།། དེ་ཡང་འདི་ལྟར། དེ་ནས་རྒྱལ་ཆེ་བ་སྐྱེས་བུ་དེ། ཆོས
iiif viewer powered by OpenSeadragon
