| e-texts navigator |
| Wylie |
369b1 བས་སྐྲོད་པར་བྱེད།། གཞན་གྱིས་མི་ཐུབ་མངག་གཞུག་བྱེད།། རྟ་ཡིས་དུག་རྣམས་འཇོམས་པར་བྱེད།། དབྱུག་སྔོན་ཅན་གྱིས་གསོད་པར་བྱེད།། སྟོབས་ཆེན་ཆར་འབེབས་བྱེད་པའི་མཆོག། མི་གཡོ་བས་ནི་སྐྲག
369b2 ཅིང་འཀྲུག། རྡོ་རྗེ་ཧཱུཾ་གིས་འཆིང་བར་བྱེད།། རྣམ་པར་རྒྱ་ལས་པས་གནོན་པར་བྱེད། ཁམས་གསུམ་བདག་པོས་འཇོམས་པར་བྱེད།། ཕྲ་མེན་ཚོགས་རྣམས་མང་པོ་ཀུན།། མངའ་གཞུག་ཕོ་ཉའི་ལས་རྣམས་བྱེད།།
369b3 སླས་དང་བྱི་མོའི་ཚོགས་རྣམས་ཀྱིས།། ཐམས་ཅད་ཐམས་ཅད་བྱེད་པར་འགྱུར།། མདོར་ན་ལྷ་ཡི་རྣལ་འབྱོར་ནི།། ཅིས་འདུལ་ཐབས་ཀྱིས་དེ་ལྟར་རོ།། ཡིད་འོང་བཀྲ་ཤིས་དབེན་པ་རུ།། རྡོ་རྗེ་ཞི་བ་སྒྲུབ་པར་ཤིས།།
369b4 མེ་ཏོག་ནགས་ཚལ་སྐྱེད་མོས་ཚལ།། ཉམས་དགའ་བར་ནི་རྒྱས་པར་ཤིས།། ཁ་དོག་དམར་ཞིང་གཅོང་རོང་མང་།། རི་བོར་གནས་སུ་དབང་དུ་བྱ།། སུམ་དོའི་གྲོག་གླེ་རྐང་གཅིག་དྲུང་།། རྩུབ་པའི་གནས་སུ་དྲག་པོ
369b5 བྱ།། སྔ་དྲོ་ཞི་བ་གུང་ལ་རྒྱས།། སྲོད་ལ་དབང་བྱ་གུང་ལ་ནི།། དྲག་པོ་ལས་རྣམས་བརྩམས་པར་བྱ།། རྫས་དང་བསྲེག་བྱའི་རྫས་རྣམས་ཀྱང་།། དཀར་ཞིང་དམར་བའི་རྫས་རྣམས་དང་།། ཞོ་དང་ལྡན་པའི་ཞིང་དག
369b6 གི།། རྩེ་མོ་ལས་བྱས་ཞི་བའི་རྫས།། སེར་ཞིང་ཁ་བའི་རོར་ལྡན་པའི།། བར་གྱི་ཤིང་ལས་བྱས་པ་ཀུན།། རྒྱས་པའི་ལས་སུ་བསྔགས་པ་ཡིན།། སྐུར་ཞིང་ཁ་དོག་དམར་བ་དང་།། དྲུངས་པ་ལས་བྱས་ཤིང་གི་རྣམས།།
iiif viewer powered by OpenSeadragon
