| e-texts navigator |
| Wylie |
369a1 དབང་དུ་བྱེད་ཅིག་སྡོམ།། དྲིལ་བུས་དགྱེས་སྒྲོལ་དབབ་པར་བྱེད།། བྱེད་པ་པོ་དང་བྱ་བ་མོས།། ཐམས་ཅད་ཐམས་ཅད་ཀུན་ལ་སྦྱོར།། རྡུལ་སྙེད་དབང་པོ་དྲུག་རྣམས་ཀྱིས། ཅིས་འདུལ་ཐབས་ཀྱིས་སྣ
369a2 ཚོགས་བྱེད། ཁྲག་འཐུང་ཆེན་པོས་གཏི་མུག་འཇོམས། ཁྲག་འཐུང་རྡོ་རྗེས་ཞེ་སྡང་འཇོམས།། རིན་ཆེན་ཧེ་རུས་ང་རྒྱལ་འཇོམས།། པདྨ་ཧེ་རུས་འདོད་ཆགས་འཇོམས།། ལས་ཀྱི་ཧེ་རུས་ཕྲག་དོག་འཇོམས།། ཁྲག
369a3 འཐུང་ཆེན་པོས་ཐིམ་པར་བྱེད།། བཛྲ་ཀྲོ་དྷིས་འཁྱུད་པར་བྱེད།། རཏྣ་ཀྲོ་དྷིས་སྦྱོར་བར་བྱེད།། པདྨ་ཀྲོ་དྷིས་སྐྱོད་པར་བྱེད།། ཀརྨ་ཀྲོ་དྷིས་འབེབས་པར་བྱེད།། དཀར་མོའི་ཚོགས་ཀྱིས་འགུགས་པར་བྱེད།། རྐུན་མོའི
369a4 ཚོགས་ཀྱིས་མཐུ་འཕྲོག་བྱེད།། རྨོངས་མའི་ཚོགས་ཀྱིས་མྱོས་པར་བྱེད།། ཐལ་བྱེད་མས་ནི་ཐལ་བར་རློག། སྦོམ་མོའི་ཚོགས་ཀྱིས་དབང་དུ་བྱེད།། གཏུམ་མོས་སྒྲོལ་ཞིང་མྱོས་པར་བྱེད།། སྨེ་ཤ་ཅན་གྱིས་ཟ་བར་བྱེད།།
369a5 མ་ཚོགས་མས་ནི་རྒྱུད་འཕེལ་བྱེད།། སེང་གདོང་ཚོགས་ཀྱིས་ཟིལ་གྱིས་གནོན།། སྟག་གདོང་ཚོགས་ཀྱིས་འཇོམས་པར་བྱེད།། ཝ་གདོང་ཚོགས་ཀྱིས་རོལ་པར་བྱེད། ཁྱི་གདོང་ཚོགས་ཀྱིས་གསོད་ཅིང་ཟ།། རྒོད
369a6 གདོང་ཚོགས་ཀྱིས་རྒྱུག་པར་བྱེད།། དུར་བྱས་རྣམ་པར་འདྲེན་པར་བྱེད།། བྱ་རོག་ཚོགས་ཀྱིས་དབང་དུ་འདུ།། འུག་གདོང་ཚོགས་ཀྱིས་འདྲེན་ཅིང་ལྟ།། གཤེད་པོས་འགུགས་ཤིང་སྒྲོལ་བར་བྱེད།། བདུད་རྩི་འཁྱིལ
iiif viewer powered by OpenSeadragon
