| e-texts navigator |
| Wylie |
368a1 འཁོར་ལོའི་མདོ་ཞེས་བྱ་བ་ལས་རྣལ་འབྱོར་གྱི་རིག་བརྟུལ་ཞུགས་ཀྱི་ལེའུ་སྟེ་བཅུ་བཞི་པའོ།། །། དེ་ནས་བཅོམ་ལྡན་འདས་གསང་བ་མཆོག་གི་བདག་པོ་ཆེན་པོས་ཕྲིན་ལས་རྒྱ་མཚོ་ལྷུན
368a2 གྱིས་གྲུབ་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ།། ཞུགས་ནས་ཡང་འདུས་པའི་འཁོར་རྣམས་ལ་འདི་སྐད་ཅེས་གསུངས་སོ།། འདུས་པའི་འཁོར་རྣམས་ཉོན་ཅིག། བཙལ་མེད་ལྷུན་གྲུབ་དཀྱིལ་འཁོར
368a3 ལས།། ཕྲིན་ལས་རྒྱ་མཚོ་བསམ་ཡས་ཀྱང་།། རྣལ་འབྱོར་དགོས་པའི་དབང་དག་ཏུ།། ལས་བཞི་དག་ཏུ་རྒྱལ་བས་གསུངས།། དང་པོས་ཞི་བའི་ལྷ་ཡིན་ཏེ།། གཉིས་པ་རྒྱས་པ་ཞེས་སུ་བྱ།། གསུམ་པ་དབང་དུ་སྡུད
368a4 པའི་ལས།། བཞི་པ་དྲག་པོའི་ལས་སུ་གསུངས།། དེ་དག་ལྷ་ཡི་དཀྱིལ་འཁོར་དང་།། གནས་དང་དུས་དང་རྫས་རྣམས་དང་།། དབྱིབས་དང་ཁ་དོག་མཎྜལ་དང་།། ཡུལ་དང་ཏིང་ངེ་འཛིན་དག་དང་། ཕྱོགས་དང་སྟན
368a5 དང་འདུག་སྟངས་དང་།། ཐོ་བ་ཕུར་པ་གཏོར་མ་དང་།། བཟླས་བརྗོད་ཅོམ་དང་བསྐུལ་ཚིག་དང་། འཁོར་ལོ་མེ་ལྷའི་མཚན་ཉིད་དང་། ཡུལ་དང་གྲུབ་པའི་འབྲས་བུ་སྟེ།། བཅུ་གཉིས་དང་ནི་གཉིས་དག་གིས།། བྱབ
368a6 ཐམས་ཅད་རྫོགས་པར་གསུངས།། ཡ་ནི་ཞི་བའི་མཚན་ཉིད་དེ།། མ་ཞེས་བྱ་བ་རྒྱས་པ་ཡིན།། དབང་དུ་སྡུད་པ་བཾ་དུ་བཤད།། ཨེ་ཉིད་དྲག་པོའི་མཚན་ཉིད་དོ།། ལྷ་ཡི་རྣལ་འབྱོར་རིམ་པ་ཡང་།། རྡོ་རྗེ་སེམས་དཔའ
iiif viewer powered by OpenSeadragon
