| e-texts navigator |
| Wylie |
367b1 ལྐུགས་པའི་ལུག་གི་བརྟུལ་ཞུགས་ཀྱིས།། གཏི་མུག་བཞིན་དུ་ཤེས་རབ་ལྡན།། རི་བོ་ལྟ་བུའི་བརྟུལ་ཞུགས་ཀྱིས།། མི་འགྱུར་རབ་ཏུ་བརྟན་པར་བྱ།། ནམ་མཁའ་ལྟ་བུའི་བརྟུལ་ཞུགས་ཀྱིས།། ཡངས་དོག་ཀུན་དང
367b2 བྲལ་བར་བྱ།། གནམ་ལྕགས་ལྟ་བུའི་བརྟུལ་ཞུགས་ཀྱིས།། དྲག་ཤུལ་ལས་ལ་སྦྱར་བར་བྱ།། ལག་ན་རྡོ་རྗེའི་བརྟུལ་ཞུགས་ཀྱིས།། མཐུ་སྟོབས་དག་ལ་སྤྱད་པར་བྱ།། ཁ་དོག་བརྟུལ་ཞུགས་ཆེན་པོ་ཡིས།། ཟོན་བག
367b3 ཁུ་འཕྲིག་སྤྱད་པར་བྱ། གླང་ཆེན་ཆུར་འཇུག་བརྟུལ་ཞུགས་ཀྱིས།། ངེས་པའི་ང་རྒྱལ་སྤྱད་པར་བྱ།། རི་དགས་སེང་གེའི་བརྟུལ་ཞུགས་ཀྱིས།། གྲོགས་ངན་ལ་སོགས་སྤང་བར་བྱ།། རེག་འཇམ་བྱ་ཡི་བརྟུལ་ཞུགས
367b4 ཀྱིས།། འགྲོགས་ན་བདེ་ཞིང་ཆགས་པར་བྱ།། སྒྱུ་མ་རྒྱ་ཡི་བརྟུལ་ཞུགས་ཀྱིས།། ཐབས་ལ་མཁས་པའི་ལས་ཆེན་བྱ།། ཅེས་སྦྱང་ཁྲ་ཡི་བརྟུལ་ཞུགས་ཀྱིས།། གཙང་སྨེ་མེད་པར་སྤྱད་པ་དང་།། ཐོགས་མེད་གསོད་ལ
367b5 བརྩོན་པར་བྱ།། ང་རྒྱལ་སྟག་མཆོག་བརྟུལ་ཞུགས་ཀྱིས།། ཆེ་བའི་ང་རྒྱལ་བསྐྱེད་པར་བྱ།། མཁའ་ལྡིང་ལྟ་བུའི་བརྟུལ་ཞུགས་ཀྱིས།། ཀུན་ཏུ་མཛེས་པའི་སྤྱོད་པ་སྤྱད།། རྒྱལ་པོ་འཁོར་སྐྱོང་བརྟུལ་ཞུགས་ཀྱིས།། ས
367b6 ཐུབ་འཁོར་དང་ལྡན་པར་བྱ།། བཅུ་གཉིས་དག་ནི་གསུམ་དག་གི། བརྟུལ་ཞུགས་བློ་དང་ལྡན་པར་བྱ།། དེ་ལ་སོགས་ཏེ་བསམ་མི་ཁྱབ།། ཅེས་གསུངས་སོ།། འཕགས་པ་རྒྱུད་ཀྱི་རྒྱལ་པོ་ཡེ་ཤེས་རྔམ་པ་གློག་གི
iiif viewer powered by OpenSeadragon
