| e-texts navigator |
| Wylie |
367a1 མཆོད་པ་དང་།། དུར་ཁྲོད་རྒྱལ་ན་དགའ་བ་ནི།། ཐེག་མཆོག་འདི་ལ་འགྲུབ་པར་འགྱུར།། བསོད་སྙོམས་ཟས་ལ་མི་ཆགས་ཤིང་།། མ་བསླངས་པ་ལའང་ཆགས་མི་བྱ།། ནགས་ཚལ་དགོན
367a2 པའི་ས་ཕྱོགས་སུ།། བསོད་སྙོམས་བླངས་ཏེ་བཟའ་བར་བྱ།། སེམས་ཀྱི་བརྟུལ་ཞུགས་ཆེན་པོ་ཡིས།། ཏིང་འཛིན་སྟོབས་དང་ལྡན་པར་བྱ།། ལུས་ཀྱི་བརྟུལ་ཞུགས་ཆེན་པོ་ཡིས།། ཐོགས་མེད་སྟང་ཐབས་ཚུལ་དུ
367a3 གནས།། ངག་གི་བརྟུལ་ཞུགས་ཆེན་པོ་ཡིས།། སྔགས་ཀྱི་ཡི་གེ་དྲག་ཏུ་བརྗོད།། དབེན་པའི་ཕྱོགས་སུ་གནས་བཅས་ལ།། གཡང་གཞི་གོས་སུ་གྱོན་ནས་ནི།། ཆེ་བའི་ང་རྒྱལ་རྟག་ཏུ་བསྐྱེད།། ཝ་ཡི་བརྟུལ་ཞུགས་ཆེན
367a4 པོ་ཡིས།། སྤང་བར་བྱ་བའི་ཐབས་སུ་སྤྱད།། ཅང་ཤེས་བརྟུལ་ཞུགས་ཆེན་པོ་ཡིས།། ཤེས་བྱ་ཀུན་ལ་འཇུག་པར་བྱ།། ལུས་ཀྱི་རྩལ་གྱི་བྱ་བ་དག། གྱི་ལིང་བརྟུལ་ཞུགས་ཆེན་པོས་བྱ།། ཕག་གི་བརྟུལ་ཞུགས་ཆེན་པོ
367a5 ཡིས།། གཙང་སྨེ་མེད་པར་ཀུན་ལ་སྤྱད།། གླང་ཆེན་མྱོས་པའི་བརྟུལ་ཞུགས་ཀྱིས།། མི་འབྱེད་རྨོངས་ཚུལ་བསྟན་པར་བྱ།། སྟག་མཆོག་རྔམ་པའི་བརྟུལ་ཞུགས་ཀྱིས།། དཔའ་བརྟུལ་གཏུམ་པའི་ལས་ཆེན་བྱ།། ཁྱུད
367a6 ཆེན་མཁའ་ལྡིང་བརྟུལ་ཞུགས་ཀྱིས།། ལྟ་བ་སྤྱི་རྒྱ་རླབས་ཀྱིས་གཙང་།། གཏུམ་ཐུང་དོན་གྱི་བརྟུལ་ཞུགས་ཀྱིས།། རེ་བ་མེད་པའི་ལས་ཆེན་བྱ།། རྒྱ་མཚོ་གཏེར་གྱི་རྟུལ་ཞུགས་ཀྱིས།། ཡིད་ཐུབ་མི་ལྡོག་བརྟན་པར་བྱ།།
iiif viewer powered by OpenSeadragon
