| e-texts navigator |
| Wylie |
366b1 དམ་ཚིག་རྣམ་པར་བཀོད་པའི་ལེའུ་སྟེ་བཅུ་གསུམ་པའོ།། །། དེ་ནས་བཅོམ་ལྡན་འདས་གསང་བ་མཆོག་གི་བདག་པོས་བརྟུལ་ཞུགས་རྣམ་པར་རོལ་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ།།
366b2 ཞུགས་ནས་ཀྱང་གསང་སྔགས་ཐམས་ཅད་ཀྱི་བརྟུལ་ཞུགས་རྣམ་པར་རོལ་པ་འདི་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་ལས་ཕྱུང་ངོ་།། གསང་སྔགས་རྒྱལ་མཚོ་ཆེན་པོ་ཡི།། བརྟུལ་ཞུགས་ངོ་མཚར་རྨད་བྱུང་བ།།
366b3 ཆོས་ཀུན་རོལ་པར་སྣང་བའི་ཕྱིར།། ཇི་ལྟར་སྤྱད་ཀྱང་བརྟུལ་ཞུགས་ཏེ།། བཀའ་ཐུབ་དཀའ་བ་སྤྱད་མི་དགོས།། དཀའ་ཐུབ་སྡོམ་ལ་རྟེན་པའི་མིས།། བསྒྲུབས་ཀྱང་འགྲུབ་པར་མི་འགྱུར་ཏེ།། དཀའ་ཐུབ་སྡོམ་ལ་མི
366b4 གནས་ཤིང་།། འདོད་པའི་ལོངས་སྤྱོད་རབ་བསྟེན་པས།། བསྒྲུབས་ན་མྱུར་དུ་འགྲུབ་པར་འགྱུར།། རིགས་ངན་དག་ནི་སྨེ་ཤ་ཅན།། རྟག་ཏུ་གསོད་ལ་བརྩོན་པ་དང་།། མ་བྱིན་ལེན་དག་མི་ཚངས་སྤྱོད།། བརྫུན་དུ་སྨྲ
366b5 ལ་དགའ་བ་དང་།། རྩུབ་པའི་ངག་ལ་དགའ་བ་ནི།། གསང་སྔགས་བསྒྲུབ་པའི་སྣོད་དུ་འགྱུར།། ཕ་དག་ཁུ་བོ་མེས་པོ་ལ།། ཞེ་སྡང་སེམས་ཀྱིས་བསྒྲལ་བྱས་ན།། རྡོ་རྗེ་སེམས་དཔའི་དངོས་གྲུབ་ཐོབ། མ་དག་བུ་མོ
366b6 སྲིང་མོ་དང་།། འདོད་ཆགས་སེམས་ཀྱིས་སྦྱར་བྱས་ན།། ཆགས་པ་ཆེན་པོའི་དངོས་གྲུབ་ཐོབ།། སྙིང་རྗེ་མེད་པར་གསོད་པ་དང་།། འཇིགས་པ་མེད་པར་སྦྱོར་བ་ལ།། བཤད་གཅི་ཟས་སུ་བ་དང་།། རང་གི་ཁུ་བས
iiif viewer powered by OpenSeadragon
