| e-texts navigator |
| Wylie |
366a1 ལྟུང་།། གྲུབ་པའི་དམ་ཚིག་ཉམས་གྱུར་ན།། བདུད་ཀྱི་ཁམས་སུ་ལྟུང་བར་འགྱུར།། རྟོགས་པའི་དམ་ཚིག་ཉམས་གྱུར་ན།། རུ་ཏྲ་ཆེན་པོའི་གནས་སུ་ལྷུང་།། དེ་ལ་སོགས་ཏེ་བསམ་མི་ཁྱབ།། ཅེས
366a2 གསུངས་སོ།། དེ་ལ་འདི་ནི་ཉམས་པ་བསྐང་བའི་ཚད་དོ།། དམ་ཚིག་ཉམས་པར་གྱུར་པ་ན།། མགོན་བཙུན་མཉམ་པའི་དོན་རྟོགས་ན།། དེ་ཉིད་སྐོངས་པའི་གནས་སུ་འགྱུར།། བླ་མ་སྦྲན་ལ་སྨད་གྱུར་ན།། ཚེ་འདི
366a3 ཉིད་ལ་མཉེས་བྱས་ཏེ།། མཐོལ་བཤགས་དྲག་པོས་འགྱོད་བྱས་ན།། དེ་ནི་སྐོངས་པའི་ལས་སུ་འགྱུར།། གལ་ཏེ་བདག་གམ་བླ་མ་སྦྲན།། མ་བསྐངས་བར་དུ་ཚེ་འཕོས་ན།། དེ་ནི་བསྐང་བའི་ཚད་ལས་འདས།།
366a4 གསུང་གི་ཐ་ཚིག་རལ་གྱུར་ན།། རྡོ་རྗེ་ཆོས་སུ་བདག་བསྒོམས་ལ།། ཐ་ཚིག་གང་བརླག་འབུམ་འབུམ་གདོན།། ཐུགས་ཀྱི་ཐ་ཚིག་རལ་གྱུར་ན།། རྡོ་རྗེ་སེམས་དཔར་བསྒོམས་པ་ལ།། ལོ་གསུམ་བར་དུ་མི་སྨྲ་བར།།
366a5 བསམ་གཏན་སྦྱོར་བར་རབ་ཏུ་བྱ།། ཡན་ལག་དམ་ཚིག་ཉམས་གྱུར་ན།། སོ་སོའི་རིགས་ཀྱིས་དེ་བཞིན་བསྐོང་།། ཞེས་གསུངས་སོ།། དེ་སྐད་ཅེས་གསུངས་པས་འདུས་པའི་འཁོར་ཚོགས་རྣམས་ཀྱི་གསང་སྔགས་ཀྱི
366a6 དམ་ཚིག་ནི། རང་རང་གི་སྙིང་ལ་གནས་པར་མཐོང་ནས། ཨ་ལ་ལ་ཞེས་པའི་སྒྲ་ཕྱུང་ནས་རང་རང་གི་དམ་ཚིག་ལ་དམིགས་སོ།། འཕགས་པ་རྒྱུད་ཀྱི་རྒྱལ་པོ་ཡེ་ཤེས་རྔམ་པ་གློག་གི་འཁོར་ལོའི་མདོ་ཞེས་བྱ་བ་ལས
iiif viewer powered by OpenSeadragon
