| e-texts navigator |
| Wylie |
365b1 ནུས།། ཤིན་ཏུ་མི་བཟད་སྡུག་བསྔལ་ལས།། ཐར་བར་ནམས་ཀྱང་མི་འགྱུར་ཏེ།། སྲིད་གསུམ་སེམས་ཅན་གསད་པས་ནི།། བླ་མའི་བཀའ་བཅག་ཆར་མི་ཕོད།། རྡོ་རྗེ་སྤུན་ལ་སྨད་པ་ནི།། ཉམས་པའི་སྐྱོན་ཡང་བརྗོད
365b2 པར་དཀའ། བསྐལ་པ་གཅིག་གི་བར་དག་ཏུ།། དམྱལ་བ་ཆེན་པོར་ལྟུང་བར་འགྱུར།། ཚེ་འདིར་བསྒྲུབ་པ་ལོག་པ་དང་།། འབད་པའི་འབྲས་བུ་མེད་པར་འགྱུར།། གསུང་གི་དམ་ཚིག་ཉམས་གྱུར་ན།། དབྱིངས་དང
365b3 རྣམ་པར་ཐར་པ་ཡི།། སྒོ་རྣམས་ཉམས་པར་གྱུར་པས་ན།། བསྒྲུབ་པ་ཐམས་ཅད་ལོག་པར་འགྱུར།། ཡི་དྭགས་གནས་སུ་ཡུན་རིང་སྟེ།། ལྐུགས་པའི་གནས་སུ་གྱུར་པ་ཡིན།། ཐུགས་ཀྱི་དམ་ཚིག་ཉམས་གྱུར་ན།། ཡི
365b4 དྭགས་ཀྱི་ནི་ལུགས་སུ་སྐྱེ།། ཐོང་གཤོལ་འབར་བ་ལྟ་བརྒྱ་ཡིས།། དེ་ཡི་ལྕེ་ལ་གཤོག་པར་བྱེད།། བསྐལ་པ་དུ་མར་མྱོང་བ་དང་།། དངོས་གྲུབ་འབྲས་བུ་མེད་པར་འགྱུར།། མདོར་ན་རྩ་བ་ཉམས་གྱུར་ན།། འབྲས་བུ
365b5 མེད་ཅིང་ངན་སོང་ལྟུང་།། རྡོ་རྗེ་སེམས་དཔའ་བདག་ཉིད་ཀྱང་།། དེ་ཡི་སྙིང་ཁྲག་འཐུང་བར་ངེས།། མི་སྤོང་དམ་ཚིག་ཉམས་གྱུར་ན།། དངོས་གྲུབ་ཐམས་ཅད་སྤངས་པར་འགྱུར།། མི་དོར་དམ་ཚིག་ཉམས་གྱུར་ན།།
365b6 ངོས་གྲུབ་འབྲས་བུ་མི་འཐོབ་ཅིང་།། ཡི་དྭགས་སྤྲེའུའི་གནས་སུ་སྐྱེ།། སྐུད་པའི་དམ་ཚིག་ཉམས་གྱུར་ན།། འདུ་ཤེས་མེད་པའི་འགོག་པར་ལྟུང་། ཤེས་པའི་དམ་ཚིག་ཉམས་གྱུར་ན།། འདུ་ཤེས་མེད་པའི་ཁྲོས་པས
iiif viewer powered by OpenSeadragon
