| e-texts navigator |
| Wylie |
365a1 པ་ཡིན།། རེག་རྣམས་མི་བསྐྱོད་པ་རུ་བཤད།། དེ་བཞིན་དཀར་པོ་རྡོ་རྗེའི་རིགས།། སེར་པོ་བདེར་གཤེགས་རིགས་སུ་བཤད།། མཐིང་ག་རིན་ཆེན་དམར་པོ་ཆོས།། ལྗང་གུ་ལས་ཀྱི་རིགས་སུ་བཤད།།
365a2 དེ་ཕྱིར་ཤེས་པར་བྱ་བ་ཡི།། དམ་ཚིག་ཡིན་པར་དཔའ་བོས་གསུངས།། བསྒྲུབ་པར་བྱ་བའི་འབྲས་བུ་ཡང་།། རིགས་ལྔ་ཉིད་དུ་གྲུབ་པས་ན།། དེ་དགྲུབ་པ་ཡི་དམ་ཚིག་ཡིན།། དམ་ཚིག་འདི་ནི་རྨད་པོ་ཆེ།། ཡན་ལག
365a3 དམ་ཚིག་འདའ་བའོ།། ཞེས་གསུངས་སོ།། ཡན་ལག་གི་དམ་ཚིག་མདོ་རྒྱས་པའོ།། དེ་ལ་འདི་ནི་དབྱེ་བའོ།། རྩ་བ་ཡན་ལག་དམ་ཚིག་རྣམས།། བསྲུང་བ་རྟོག་པ་གཉིས་སུ་དབྱེ།། དེ་དག་དངོས་སུ་བསྲུང་བས་ན།།
365a4 མི་འདའ་བསྲུང་བའི་སྡོམ་བཅས་ཡིན།། རྣམ་པར་དག་པའི་ངང་ཉིད་དུ།། དེ་དག་རྟོགས་པས་ཁྱད་པར་དུ།། རྟོགས་པའི་དམ་ཚིག་ཡིན་པར་གསུངས།། དེ་ལ་འདི་ནི་དམ་ཚིག་ཉམས་པ་ལྟུང་བའི་གནས་སོ།། རྩ་བ
365a5 ཉམས་པའི་སྐྱོན་ཆེན་ཡང་།། བསྐལ་པ་གྲངས་མེད་བགྲངས་པར་ཡང་།། དམྱལ་བའི་གནས་སུ་ལྟུང་བར་འགྱུར།། རྡོ་རྗེ་བླ་མའི་སྐུ་སྨད་ན།། དུས་གསུམ་སངས་རྒྱས་བརྙས་པ་ཡིན།། བྱང་ཆུབ་སེམས་ལ་སྐུར་པས
365a6 ན།། དེ་ཡི་སྡིག་པ་བརྗོད་མི་ལང་།། དཔེར་ན་འཇིག་རྟེན་ས་ཡི་རྡུལ།། གྲངས་ཀྱིས་བགྲང་བར་ཤེས་ཀྱང་སྲིད།། རྒྱ་མཚོ་ཆེན་པོའི་ཆུ་ཐིགས་ཀྱང་།། གྲངས་ཀྱིས་བགྲང་ཞིང་ཤེས་སུ་རུང་།། འདི་ཡི་སྡིག་པ་བརྗོད་མི
iiif viewer powered by OpenSeadragon
