| e-texts navigator |
| Wylie |
364b1 རིགས།། གཏི་མུག་སངས་རྒྱས་ཡིན་པར་གསུངས།། ང་རྒྱལ་ཡིད་བཞིན་ནོར་བུ་སྟེ།། ཕྲག་དོག་ཞེས་བྱ་ལས་སུ་བཤད།། དེ་བས་སྤངས་པར་བྱ་བ་མིན།། དྲི་ཆེན་སྣང་མཛད་གཙོ་བོ་ཡིན།། དྲི་ཆུ་གདོན་མི་ཟ་གྲུབ་པ།།
364b2 རཀྟ་སྣང་བ་མཐའ་ཡས་སྐུ།། མཾ་ས་རིན་ཆེན་འབྱུང་ལྡན་གཙོ།། བྱང་ཆུབ་སེམས་ནི་རྡོ་རྗེ་སེམས།། དེས་ན་དང་དུ་བླངས་པར་གསུངས།། སེམས་ཅན་ཐམས་ཅད་གསད་བྱ་བ།། རྡོ་རྗེ་སེམས་དཔའི་དམ་ཚིག་ཡིན།།
364b3 བུད་མེད་རྣམས་ལ་ཆགས་བྱ་བ།། སྣང་བ་མཐའ་ཡས་དམ་ཚིག་སྟེ།། གཞན་གྱི་ནོར་འཕྲོག་རྣམ་སྣང་གིས།། རིན་ཆེན་འབྱུང་བའི་བརྫུན་ཕྲ་མ།། ངག་རྩུབ་གདོན་མི་ཟ་འགྲུབ་པའི།། དམ་ཚིག་ཡིན་པར་རྒྱལ་བས
364b4 གསུངས།། དེ་བས་སྤྱད་པར་བྱ་བའོ།། གཟུགས་སུ་སྣང་བ་རྣམ་སྣང་མཛད།། ཚོར་བ་རིན་ཆེན་འབྱུང་ལྡན་གཙོ།། འདུ་ཤེས་སྣང་བ་མཐའ་ཡས་ཏེ།། འདུ་བྱེད་གདོན་མི་ཟ་གྲུབ་པ།། རྣམ་ཤེས་རྡོ་རྗེ་སེམས་དཔའོ།།
364b5 ས་ནི་རྡོ་རྗེ་ཞེས་སུ་བཤད།། རིན་ཆེན་ཆུ་སྟེ་པདྨ་མེ།། ཐོགས་མེད་རླུང་གི་རང་བཞིན་ཏེ།། ནམ་མཁའི་ཁམས་ནི་རྣམ་སྣང་མཛད།། མིག་གི་དབང་པོ་རྣམ་སྣང་མཛད།། རྣ་བ་རིན་ཆེན་འབྱུང་བའི་ཚུལ།། སྣང་བ
364b6 མཐའ་ཡས་སྣ་ཞེས་གྲགས།། ལྕེ་ནི་གདོན་མི་ཟ་གྲུབ་པ།། ལུས་ནི་མི་བསྐྱོད་པར་རུ་བཤད།། གཟུགས་ནི་རྣམ་པར་སྣང་མཛད་ཚུལ།། སྒྲ་ནི་རིན་ཆེན་འབྱུང་བ་སྟེ།། དྲི་ནི་སྣང་བ་མཐའ་ཡས་སོ།། རོ་ནི་དོན་ཡོད་གྲུབ
iiif viewer powered by OpenSeadragon
