| e-texts navigator |
| Wylie |
364a1 སོར་རྟོགས་པ་ཐུགས་ཉིད་སྣང་།། སྣང་ཉིད་དབྱིངས་ལས་མི་འདའ་བར།། རྟོགས་པ་ཐུགས་སུ་རྒྱལ་བས་གསུངས།། དེ་ནི་རྩ་བའི་དམ་ཚིག་གི། མདོ་ཉིད་རྒྱས་པར་བཤད་པ་ཡིན།། རྩ་བའི་དམ་ཚིག
364a2 གི་མདོ་རྒྱས་པར་བཤད་པའོ།། མོ་སྤོང་དམ་ཚིག་ཅེས་བྱ་བ།། འདོད་ཆགས་ཞེ་སྡང་གཏི་མུག་དང་།། ང་རྒྱལ་ཕྲག་དོག་ལྔ་རྣམས་ནི།། རིགས་ལྔའི་སངས་རྒྱས་ངོ་བོ་སྟེ།། ཡེ་ཤེས་ལྔ་ཡི་རང་བཞིན་པས།། སྤངས་ན
364a3 རྣལ་འབྱོར་དོན་དང་འགལ།། མི་དོར་དང་དུ་བླང་བ་ན།། དྲི་ཆེན་དྲི་ཆུ་རཀྟ་དང་། མཾ་ས་དང་ནི་ཟིལ་པ་ལྔ།། འབྲས་བུ་ལྔ་ཡིས་བསྡུས་པ་རྣམས།། རྣལ་འབྱོར་པ་ནི་རྟག་ཏུ་བཟའ།། འདི་ཡང་དམ་ཚིག་རྨད་པོ་ཆེ།།
364a4 སྤྱད་པར་བྱ་བའི་དམ་ཚིག་ནི།། སྦྱོར་དང་སྒྲོལ་དང་མ་བྱིན་ལེན།། བརྫུན་དང་ངག་རྩུབ་སྨྲ་དང་ལྔ།། དོན་དམ་སྐྱེས་བུས་སྤྱད་པར་བྱ།། ཤེས་པར་བྱ་བའི་དམ་ཚིག་ནི།། ཕུང་པོ་ལྔ་དང་འབྱུང་བ་ལྔ།། དབང་པོ་ཡུལ
364a5 ལྔ་ཁ་དོག་ལྔ།། རིགས་ལྔ་ཡེ་ཤེས་ལྔ་ཉིད་དུ།། དོན་ལྡན་སྐྱེས་བུས་ཤེས་པར་བྱ།། ལུང་དང་ལྡན་པའི་རྣལ་འབྱོར་པས།། གྲུབ་པར་བྱ་བའི་དོན་ཆེན་ཡང་།། སངས་རྒྱས་ལྔ་ལས་གཞན་མི་བསྒྲུབ།། གྲུབ་པར་བྱ་བའི
364a6 དམ་ཚིག་སྟེ།། འདི་དག་བསྲུང་བར་རབ་ཏུ་གཅེས།། དེ་ཡང་ཅི་ཕྱིར་བསྲུང་ཞེ་ན།། འདོད་ཆགས་རང་དང་སྤྱིར་སྣང་བ།། ཆགས་ཤིང་ཞེན་པ་ཐམས་ཅད་ཀུན།། པདྨ་རིགས་ཀྱི་ངོ་བོ་ཡིན།། ཞེ་སྡང་དེ་བཞིན་རྡོ་རྗེའི
iiif viewer powered by OpenSeadragon
