| e-texts navigator |
| Wylie |
363a1 སྤུན།། དངོས་གྲུབ་སྒྲུབ་པའི་གྲོགས་མཆོག་ཡིན།། དཔེར་ན་གྲོགས་དང་ལྡན་པའི་མི།། འཚེ་བ་རྣམས་ཀྱིས་མི་ཚུགས་བཞིན།། དེ་བཞིན་རྣལ་འབྱོར་གྲོགས་ལྡན་ཡང་།། རྒོལ་བ་རྣམས་ཀྱིས་མི་ཚུགས
363a2 ཤིང་།། འབྲས་བུ་མྱུར་དུ་འགྱུར་བར་འགྱུར།། དེ་བས་ནན་ཏན་བསྐྱེད་དེ་བསྲུང་།། དེ་ཡང་སྐུ་ཡི་དམ་ཚིག་སྟེ།། བསྲུང་བ་ཡིན་པར་རྒྱལ་བས་གསུངས།། མདོར་ན་སྣང་སྲིད་ཐམས་ཅད་ནི།། གཟུགས་སུ་སྣང་བ
363a3 མཐའ་ཡས་ཀུན།། ཆོས་ཀྱི་སྐུ་ལས་མ་གཡོས་པར།། གཟུགས་སྐུ་འཇའ་ཚོན་ཚུལ་དུ་གསལ།། དེ་ཉིད་དོན་ལས་མི་འདའ་བར།། རྟོགས་པ་སྐུ་ཡི་དམ་ཚིག་ཅེས།། རྒྱལ་བ་རྣམས་ཀྱིས་རབ་ཏུ་གསུངས།། གསུང་གི
363a4 དམ་ཚིག་ཅེས་བྱ་བ།། སྔགས་ཀྱི་རྣལ་འབྱོར་གྲལ་སྒོ་བས།། ཕྱག་རྒྱ་བཞི་རུ་རྣམ་གསལ་ནས།། རྡོ་རྗེ་སྔགས་རྣམས་རྒྱུན་མི་གཅད།། བསྒོམ་དང་བཟླས་དང་འཕྲོ་འདུའི་སྔགས།། ཏིང་འཛིན་མེ་དང་འདྲ་བ་ལ།།
363a5 བཟླས་བརྗོད་རླུང་དང་འདྲས་བསྐྱོད་ནས།། སྒྲིབ་པའི་བུད་ཤིང་བསྲེག་པར་བྱ།། བཟླས་བརྗོད་སྔགས་གྱིས་བརྟུལ་ཞུགས་ཀྱང་།། སྒྲ་ཆེན་པ་མ་ཡིན་ཆུང་བར་མིན།། མགྱོགས་པར་མ་ཡིན་བུལ་བར་མིན།། དྲག
363a6 པར་མ་ཡིན་དྲལ་བར་མིན།། ཡིག་འབྲུ་ཡན་ལག་ཉམས་མ་ཡིན།། ཡེངས་མིན་གླ་ལ་སོགས་པར་གཅོད་མིན།། རྒྱུ་བའི་སེམས་རྣམས་སྤངས་པ་དང་།། བཟླས་པའི་སྐྱོན་བཅུ་སྤངས་ནས་ནི།། དུས་དང་གྲངས་དང
iiif viewer powered by OpenSeadragon
