| e-texts navigator |
| Wylie |
362b1 འབྲང་།། མ་རིག་མུན་པས་གཏིབས་པ་ལ།། སེམས་ཀྱི་སྒྲོན་མ་དེ་ཡིས་འདེབས།། ལྷ་མི་ཡོངས་ཀྱི་འདྲེན་སྟོན་ཡིན།། དུས་གསུམ་སངས་རྒྱས་ཞལ་མཐོང་ཡིན།། དགེ་བའི་རྩ་བའི་སྲོག་ཤིང་ཡིན།། ཡོན་ཏན་ཀུན་གྱི
362b2 གཏེར་མཛོད་ཡིན།། གལ་ཏེ་ཡོན་ཏན་མི་ལྡན་ཡང་།། བླ་མར་བཟུང་ནས་སྤང་བྱས་ན།། ཀུན་གྱི་སློབ་དཔོན་བརྙས་པ་ཡིན།། དུས་གསུམ་སངས་རྒྱས་སྐུར་པ་ཡིན།། དེ་ཡི་ཉམས་པ་བརྗོད་མི་ལང་།། ཡོན་ཏན་ལྡན
362b3 པའི་བླ་མ་དེ།། ཕྱོགས་བཅུའི་སངས་རྒྱས་ཐམས་ཅད་དང་།། རྒྱལ་སྲས་དང་ནི་མཐུ་ཆེན་རྣམ།། ཕྱག་འཚལ་མཆོད་ཅིང་བཀུར་སྟི་བྱེད།། འཇིག་རྟེན་འདི་ན་མཐུ་ཆེན་ཀུན།། དེ་ཡི་དགོངས་པ་སྐོང་པ་དང་། ཁུར་ཞིང
362b4 བྲན་དུ་ཁས་ལེན་ན།། རོད་རྗེ་སློབ་དཔོན་སྨོས་ཅི་དགོས།། རྡོ་རྗེ་སྤུན་ལ་གདུང་སེམས་ཀྱང་།། འདྲེས་དང་མ་འདྲེས་ཡོངས་ཀྱི་སྤྱན།། ཡང་དག་ལམ་དུ་ཞུགས་པ་ལ། མངན་དང་དཔྱས་ཀྱིས་སེམས་ཙམ་ཡང་།།
362b5 རྟག་ཏུ་སྤང་བར་བྱ་བ་ཡིན།། བརྩེ་ཞིག་གདུང་བའི་ཤུགས་ཕྱུང་ལ།། གཅིག་ལ་གཅིག་ནི་མིག་བཞིན་བལྟ།། མདོར་ན་སྲོག་ལ་མི་ཆགས་པར།། སྤུན་དང་མིང་སྲིང་དགོས་པ་སྒྲུབ།། ཅི་ཕྱིར་རྡོ་རྗེ་སྤུན་རྣམས་ནི།། འདི
362b6 ནས་བྱང་ཆུབ་ཐུག་པ་རུ།། མི་འབྲལ་འགྲོགས་པའི་གྲོགས་མཆོག་སྟེ།། མར་མེ་འོད་དང་སྡོང་བུ་འདྲའོ།། དཔེར་ན་འཇིག་རྟེན་མི་རྣམས་ཀྱང་།། མང་པོ་འདུས་ན་དཀའ་བའང་འགྲུབ།། དེ་བཞིན་རྡོ་རྗེ་མིང་སྲིང
iiif viewer powered by OpenSeadragon
