| e-texts navigator |
| Wylie |
362a1 རང་གི་ལྟ་བ་ཡིན་པར་གསུངས།། ཞེས་གསུངས་སོ།། དེ་ལ་འདི་ནི་དམ་ཚིག་གི་མདོ་གསང་བའོ།། གསང་སྔགས་རྒྱ་མཚོ་ཆེན་པོ་ཡི།། དམ་ཚིག་བསམ་ཡས་ཇི་སྙེད་པ།། རྩ་བ་ཡན་ལག་གཉིས་སུ
362a2 འདུས།། རྩ་བའི་དམ་ཚིག་གསུམ་ཡིན་ཏེ།། སྐུ་གསུང་ཐུགས་སུ་རྒྱལ་བས་གསུངས།། ཡན་ལག་དམ་ཚིག་མི་སྤོང་དང་།། མི་འདོར་སྤྱོད་དང་ཞེས་པ་དང་། གྲུབ་པ་ཡིན་ཏེ་རྣམ་ལྔ་པོ།། མདོར་ན་རྣམ་པ་བརྒྱད་དུ
362a3 གྲགས།། ཞེས་གསུངས་སོ།། དེ་ལ་འདི་ནི་མདོ་རྒྱས་པའོ།། སྐུ་ཡི་དམ་ཚིག་ཅེས་བྱ་བ།། བླ་མ་སྤུན་ལ་གདུང་སེམས་ལྡན།། མངན་དང་དཔྱ་སེམས་སྤངས་པ་ཡིན།། བླ་མ་ལ་ཡང་རྣམ་གསུམ་སྟེ།། དམ་ཚིག་དབང
362a4 དང་ཤེས་རབ་རྒྱུད།། མན་ངག་ལུང་སྟོན་སློབ་དཔོན་ལ།། མངན་དང་དཔྱ་བའི་སེམས་བོར་ན།། ལུས་ངག་སྒོ་ནས་སྨོས་ཅི་དགོས།། མགོ་དང་མིག་དང་གསང་མ་སྙིང་།། རྟག་ཏུ་འབྲལ་བར་འཕངས་པ་ལྟར།། བླ་མ
362a5 རྡོ་རྗེ་སློབ་དཔོན་ལ།། མི་འབྲེལ་སེམས་ཀྱིས་དེ་ལྟར་ལྟ།། དེ་ཡི་ཕྱི་བཞིན་བེའུ་ལྟར་འབྲང་།། དེ་ཡི་དགོས་པ་ཅི་ཡང་རུང་།། སྐོངས་ན་སྲོག་ལའང་མི་ལྟ་ན།། ཟང་ཟིང་གཞན་ལྟ་སྨོས་ཅི་དགོས།། ལུས་ལ་དབང་བའི
362a6 རྒྱལ་པོའམ།། ལུས་སྲོག་བསྐྱེད་པའི་ཕ་མ་བས།། ཤིན་ཏུ་གཉེན་ཞིང་བཀུར་བར་བྱ།། ཅི་ཕྱིར་དབྱིངས་དང་རྣམ་ཐར་གྱིས།། སྒོ་རྣམས་དེ་ཡི་སྙན་པ་ཡིན།། དངོས་གྲུབ་བྱེ་བྲག་ཇི་སྙེད་པ།། དེ་ལ་རག་ལས་རྗེས་སུ
iiif viewer powered by OpenSeadragon
